Рака Іравадзі

З пляцоўкі Вікіпедыя.
Перайсці да: рух, знайсці
Іравадзі
Sagainghillsagaing.jpg
Вусце Андаманскае мора
Даўжыня 2170 км
Расход вады у нізоўях (сярэдні): 13000-14000 м³/с
Вадазбор 411000 км²
Краіна М'янма
Irrawaddy watershed.png

Ірава́дзі — рака ў Азіі. Самая мнагаводная рака М'янмы (вытокі ў Кітаі).

Даўжыня 2170 км. Вадазбор 430 тыс. км². Сярэднегадавы расход вады ў вусці 13 тыс. м³/сек.

Пачынаецца ва ўсходніх адгор'ях Гімалаяў, цячэ ў глыбокай цясніне, мае парожыстае рэчышча. Ніжэй г. М'ічына даліна расшыраецца, рэчышча дасягае 800 м, потым Iравадзі перасякае Шанскае нагор'е, дзе рэчышча звужаецца да 50-100 м. У сярэднім і ніжнім цячэнні (на Іравадзійскай раўніне) рака ўтварае шырокую тэрасаваную даліну. За 300 км ад вусця пачьшаецца забалочаная дэльта (плошча каля 30 тыс. км²), якая павялічваецца (каля 5 км² за 100 гадоў). Галоўныя прытокі — Чындуін (справа) і М'інге (злева). Рэжым мусонны, характэрныя летнія паводкі (падняцце вады на 8-11 м). Сярэдні гадавы расход вады 13-14 тыс. м³/с. У ніжнім цячэнні моцныя прылівы (да 4-4,5 м).

Суднаходная на 1100 км, летам — на 1440 км. Выкарыстоўваецца ддя арашэння, у верхнім цячэнні — лесасплаў. На Iравадзі знаходзіцца г. Мандалай, у дэльце марскі порт і сталіца М'янмы г. Янгон.