Рака Адроў

Адроў
Вусце	Рака Дняпро
Даўжыня	75 км
Вадазбор	676 км²

АДРОЎ — рака ў Аршанскім, Сенненскім і Талачынскім раёнах Беларусі, правы прыток Дняпра. Даўжыня 75 км. Вадазбор 676 км². Сярэднегадавы расход вады ў вусці 4,4 м³/с. Сярэдні нахіл воднай паверхні 0,9 ‰.

Асноўныя прытокі

Справа: Камяніца, Дзярноўка, Сакалянка, Барань.

На рацэ

Гарады: Барань.

Агульнае

Пачынаецца меліярацыйнай канавай каля в. Дубніцы Аршанскага раёна, вусце на паўднёвай ускраіне г. Оршы. Цячэ па Аршанскім узвышшы. На рацэ каля в. Дубніцы плаціна і сажалка (пл. 1 га), у пойме каля в. Барань Аршанскага р-на наліўная сажалка (пл. 2 га). Недзе ў басейне ракі калісці існаваў горад Одрск.

Даліна выразная, да в. Пагост трапецападобная, ніжэй карытападобная, шырынёй 0,6—0,8 км. Пойма пераважна двухбаковая, шырынёй 0,1—0,3 км. Берагі ў вярхоўі нізкія, у сярэднім і ніжнім цячэнні стромкія і абрывістыя, вышынёй 5—7 м, месцамі да 20 м.

Рэчышча ў вярхоўі на 12,5 км да в. Пількавічы Сенненскага р-на каналізаванае, далей звілістае, шырыня ракі ў межань 15—20 м.

Крыніцы

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. –Л., 1971.

• Природа Белоруссии: Попул. энцикл./ БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
• Блакiтная кнiга Беларусi: Энцыкл. / БелЭн; Рэдкал.: Н. А. Дзiсько i iнш. — Мн.: БелЭн, 1994.