Рака Вента

З пляцоўкі Вікіпедыя
Перайсці да: рух, знайсці
Вента
лат.: Venta, літ.: Venta
Venta ties Palnosais, 2006-08-15.jpg
Вусце Балтыйскае мора
Даўжыня 346 км
Расход вады 95,5 м³/с
Вадазбор 11800 км²
Fluss-lv-Venta.png
Commons
У ВікіСховішчы ёсць выявы з тэмай:
Вента

Ве́нта, Вэнта (літ.: Venta (прамаўляецца як «Вянта»); лат.: Venta; польск.: Windawa) — рака басейна Балтыйскага мора, якая працякае ў Літве і Латвіі. Яе даўжыня — 346 км, плошча басейна — 11 800 км², перапад вышыняў — 166 м. Вента выцякае з Жэмайцкага ўзвышша з возера Венэ недалёк ад горада Куршэнай, а ўпадае ў Балтыйскае мора праз Вентспілскі марскі порт. Асноўны накірунак плыні — на паўночны захад. Па тэрыторыі Літвы рака працякае 168 км, па тэрыторыі Латвіі — 178 км. Самыя вялікія гарады на берагах Венты — Мажэйкяй, Кулдыга і Вэнтспілс. Самыя значныя прытокі — рэкі Вірвітэ ў Літве і Абава ў Латвіі.

Ля Кулдыгі на Венце знаходзіцца знакамітая Вентас румба — самы доўгі ў Еўропе вадаспад шырынёй 240 м. Недалёк ад яго (дзе рэчка Алекшупітэ ўпадае ў Венту) месціцца і самы высокі вадаспад у Латвіі (4,2 м увышкі).

Прыкладна 50 % басейна ракі пакрыта лесам. Лёд на рацэ стаіць з канца снежня і да пачатку сакавіка. Частка ракі ад літоўска-латышскай мяжы і да Кулдыгі выкарыстоўваецца як турыстычная траса для паходаў на байдарках. Вента — вельмі шчодрая рака для рыбакоў. У ёй ловяцца акуні, галавачы, карасі, ляшчы, судакі, шчупакі, язі.