Рака Заходняя Бярэзіна
| Заходняя Бярэзіна | |
 |
|
| Выток | каля в. Бортнікі |
| Вышыня вытоку | 300 м |
| Вусце | Нёман |
| Даўжыня | 226 км |
| Расход вады | 30 м³/с |
| Вадазбор | 4000 км² |
Бярэзіна ці Заходняя Бярэзіна — рака ў Гродзенскай і Мінскай абласцях Беларусі, правы прыток ракі Нёман. Даўжыня - 226 км. Вадазбор - 4 тыс. км². Сярэднегадавы расход вады ў вусці - 30 м³/с. Агульнае падзенне - 172 м. Сярэдні нахіл воднай паверхні - 0,8 ‰.
[правіць] Асноўныя прытокі
Справа: Цвецень, Краўлянка, Альшанка, Чарніца, Чапунька. Злева: Іслач, Волка.
[правіць] На рацэ
Зоны адпачынку: Барок (12 км на поўнач ад г. Маладзечна)
[правіць] Агульнае
Пачынаецца каля вёскі Бортнікі Маладзечанскага раёна, на вышыні 300 м над узроўнем мора, працякае ў Валожынскім і Іўеўскім районах. Мясцовае суднаходства ад вёскі Бакшты (за 45 км ад вусця) — у перыяд высокай вады. Амаль усе прытокі Заходняй Бярэзіны каналізаваныя. У басейне ракі каля 20 каналаў даўжынёй больш за 5 км (агульная даўжыня больш за 150 км).
Найвышэйшы ўзровень разводдзя ў верхнім і сярэднім цячэнні ў канцы сакавіка, у ніжнім — у пачатку красавіка. Замярзае ў 2-й палове снежня, крыгалом у сярэдзіне сакавіка. У сярэдняй плыні на рацэ Сакаўшчынскае вадасховішча.
Даліна выразная, яе шырыня ў верхняй частцы 0,5—3 км, ніжэй вёскі Гародзькі 3—4 км. Пойма нізкая, асушаная, месцамі ўзгорыстая, шырыня ў вярхоўі 0,2 — 0,5 км, на астатніх участках ад 0,3 да 3 км.
Рэчышча моцназвілістае, шырыня ракі ў межань у вярхоўі 5—20 м, у сярэдняй і ніжняй плыні 20—35 м, паблізу вусця да 50 м.
[правіць] Крыніцы
- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. –Л., 1971.
- Природа Белоруссии: Попул. энцикл./ БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
- Блакiтная кнiга Беларусi: Энцыкл. / БелЭн; Рэдкал.: Н. А. Дзiсько i iнш. — Мн.: БелЭн, 1994.
- Государственный водный кадастр: Водные ресурсы, их использование и качество вод (за 2004 год) / М-во природных ресурсов и охраны окружающей среды. –Мн., 2005. –135с.
| Нёман | |
|---|---|
| Левыя прытокі | Бярозка | Валоўка | Зэльвянка | Ізва | Ласосна | Лоша | Моўчадзь | Рось | Свіслач | Тур'я | Уша | Шашупэ | Чорная Ганча | Шчара |
| Правыя прытокі | Вілія (Нярыс) | Гажанка | Гараднічанка | Гаўя | Дзітва | Дубіса | Дубніца | Дудлянка | Ельня | Заходняя Бярэзіна | Котра | Лебяда | Мінія | Мяркіс | Нявежыс | Сула | Тур'я | Уса | Юра |
| ГЭС | Гродзенская | Каўнаская |
Увага: прадвызначаная клавіша ўпарадкавання "Заходняя Бярэзіна рака" замяніла ранейшую такую клавішу "Заходняя Бярэзіна".
