Карачунка

Карачунка
Характарыстыка
Даўжыня	13 км
Басейн	33 км²
Вадацёк
Выток
• Месцазнаходжанне	на паўночны захад ад вёскі Карачуны
Вусце	рака Ператуць
• Месцазнаходжанне	за 3 ад вёскі Клыпаўшчына
Ухіл ракі	4,7 м/км
Размяшчэнне
Водная сістэма	Нёман
Краіна	Беларусь
Рэгіён	Мінская вобласць
Раён	Дзяржынскі раён

Карачу́нка — рака ў Дзяржынскім раёне Мінскай вобласці Беларусі, левы прыток ракі Ператуць (басейн Нёмана).

Даўжыня ракі 13 км. Плошча вадазбору 33 км². Сярэдні нахіл воднай паверхні 4,7 м/км. Пачынаецца на паўночны захад ад вёскі Карачуны, цячэ ў межах Мінскага ўзвышша, упадае ў Ператуць за 3 км ад вёскі Клыпаўшчына. На працягу 3,8 км каналізаваная: ад вытоку (1,7 км) і за 0,8 км на паўднёвы ўсход ад вёскі Дзягільна — 0,7 км ніжэй моста на аўтадарозе Масква — Брэст (2,1 км). Каля вёскі Дзягільна створана сажалка (плошча 0,31 км²).

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 491. — 522 с. — 10 000 экз.