Рака Кубань

Кубань
Вышыня вытоку	1339 м
Вусце	Азоўскае мора
	45.339167, 37.40305645°20′21″ пн. ш. 37°24′11″ у. д.45.339167° пн. ш. 37.403056° у. д.
Вышыня вусця	0 м
Даўжыня	870 км
Расход вады	425 м³/с
Вадазбор	57 900 км²
У ВікіСховішчы ёсць выявы з тэмай: Кубань

КУБАНЬ, рака ў Расіі на Паўночным Каўказе. Працякае па тэрыторыі Карачаева-Чаркесіі, Стаўрапольскага краю, Краснадарскага краю і Адыгеі.

Кубань бярэ пачатак у раёне гары Эльбрус і ўпадае ў Азоўскае мора (да XIX стагоддзя ўпадала ў Чорнае мора). Працягласць ракі складае 870 км, а плошча басейна — 58 тыс. км². Пачынаючы ад горада Усць-Лабінска, Кубань з'яўляецца суднаходнай.

На рацэ Кубань размешчаныя гарады Карачаеўск, Усць-Джэгута, Чаркеск, Невіннамыск, Армавір, Навакубанск, Крапоткін, Усць-Лабінск, Краснадар, Славянск-на-Кубані і Цямрук.

На рацэ размешчана Краснадарскае вадасховішча.

Акрамя таго рака выкарыстоўваецца для назапашвання і выпрацоўкі электраэнергіі на Кубанскім каскадзе (Зелянчукскія, Куршаўскія, Барсучкоўскія і Сенгялееўскія ГЭС) сумарнай магутнасцю больш за 620 МВт з перспектывамі павелічэння на 220 МВт.