Рака Пліса, прыток Бярэзіны
| Пліса | |
| Выток | каля в. Слабада Смалявіцкага раёна |
| Вусце | Бярэзіна |
| Даўжыня | 64 км |
| Расход вады | 4 м³/с |
| Вадазбор | 625 км² |
| Краіна | Беларусь |
Пліса — рака ў Смалявіцкім і Барысаўскім раёнах Беларусі, правы прыток р. Бярэзіна (басейн Дняпра). Даўжыня 64 км. Вадазбор 625 км². Сярэднегадавы расход вады ў вусці 4 м³/с. Сярэдні нахіл воднай паверхні 0,7 ‰.
Змест |
[правіць] Асноўныя прытокі
Справа: Чарніца
[правіць] На рацэ
Вадасховішчы: Смалявіцкае, Жодзінскае
[правіць] Агульнае
Пачынаецца на ўсходніх схілах Мінскага ўзвышша за 1,5 км на паўднёвы ўсход ад в. Слабада Смалявіцкага раёна, вусце на паўднёвай ускраіне в. Юшкевічы Барысаўскага раёна. Найвышэйшы ўзровень разводдзя ў канцы сакавіка, найболыпая вышыня над межанным узроўнем 2,6 м. Лядовыя з′явы няўстойлівыя. Прымае сцёк з шэрага меліярацыйных каналаў.
Даліна ў ніжнім цячэнні паміж вёскамі Яловіца Смалявіцкага раёна і Струпень Барысаўскага раёна звілістая, на астатнім працягу прамая, трапецападобная (шырыня 0,8—1,2 км), ніжэй г. Смалявічы да 2 км., паміж г. Жодзіна і в. Яловіца невыразная. Схілы спадзістыя, вышынёй 6—17 м, месцамі ў сярэднім і ніжнім цячэнні стромкія і абрывістыя. Пойма ад в. Трубянок Смалявіцкага р-на да вусця двухбаковая (шырыня 0,2—0,4 км), перасечаная сеткай меліярацыйных каналаў і старых рэчышчаў.
Рэчышча ад вытоку да в. Яловіца Смалявіцкага р-на каналізаванае, на астатнім працягу звілістае, свабодна меандруе. Берагі стромкія, месцамі абрывістыя, пераважна адкрытыя.
[правіць] Крыніцы
- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. –Л., 1971.
- Природа Белоруссии: Попул. энцикл./ БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
- Блакiтная кнiга Беларусi: Энцыкл. / БелЭн; Рэдкал.: Н. А. Дзiсько i iнш. — Мн.: БелЭн, 1994.
| Бярэзіна | |
|---|---|
| Левыя прытокі | Ала | Бобр | Брусята | Вужніца | Клява | Крапівенка | Мужанка | Ольса | Сха |
| Правыя прытокі | Брожа | Ваўчанка | Гайна | Каменка | Мажанка | Пліса | Рова | Свіслач | Уса | Уша |
Увага: прадвызначаная клавіша ўпарадкавання "Пліса рака" замяніла ранейшую такую клавішу "Пліса, прыток Бярэзіны".
| Гэта пачатак артыкулу па геаграфіі Мінскай вобласці. Вы можаце дапамагчы праекту, выправіўшы і дапоўніўшы яго. |