Рака Хапёр

З пляцоўкі Вікіпедыя
Перайсці да: рух, знайсці
Хапёр
Рака Хапёр ў раёне станіцы Слашчоўская (Валгаградская вобласць)
Рака Хапёр ў раёне станіцы Слашчоўская (Валгаградская вобласць)
Выток Прыволжскае ўзвышша
Даўжыня 979 км
Расход вады 150 м³/с
Вадазбор 61 100 км²
Commons
У ВікіСховішчы ёсць выявы з тэмай:
Хапёр

Хапёр (руск.: Хопёр), рака у Расіі, буйнейшы левы прыток Дона. Працякае па тэрыторыі Пензенскай, Саратаўскай, Варонежскай і Валгаградскай абласцей.

Даўжыня 980 км, плошча басейна 61 100 км². Жыўленне пераважна снегавое. Разводдзе ў красавіку — маі. Найбольшы выдатак вады 2720 м³/с. Замярзае ў снежні, выкрываецца ў канцы сакавіка — пачатку красавіка. У асобныя гады ледастаў няўстойлівы. Шырыня да 100 м, глыбіня да 7 м. Дно, як правіла, пясчанае; цячэнне хуткае. У даліне Хапра — шмат старыц.

Хапёр бярэ пачатак у цэнтральнай частцы Пензенскай вобласці, у межах Прыволжскага ўзвышша, цячэ па ўзнёслай мясцовасці, упадае ў Дон каля станіцы Усць-Хапёрская.

Найбуйнейшыя прытокі: Варона, Савала (справа), Сярдоба, Бузулук (злева). Хапёр суднаходны (ад горада Навахапёрска ў 323 км ад вусця). На значнай частцы працягу даступны для сплава на байдарках. На рацэ — гарады Балашоў, Барысаглебск, Навахапёрск, Урупінск. У ніжнім цячэнні — Хапёрскі запаведнік. Даліна Хапра з'яўлялася адным з месцаў рассялення данскіх казакаў.

Літаратура[правіць | правіць зыходнік]

  • Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш — Мінск: БелЭн, 2003. — Т. 16. — С. 541. — 576 с. — 10 000 экз. — ISBN 985-11-0263-6 (Т. 16).


Спасылкі[правіць | правіць зыходнік]