Рапуха чаротная

З пляцоўкі Вікіпедыя.
Перайсці да: рух, знайсці
Рапуха чаротная
EpidaleaCalamitaYoung.JPG
Навуковая класіфікацыя
Міжнародная навуковая назва

Epidalea calamita Laurenti, 1768

Сінонімы
Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   661748
NCBI   30326
EOL   1019146

Чаротная рапуха (Epidalea calamita ці Bufo calamita) — земнаводнае сямейства сапраўдных рапух.

Апісанне[правіць | правіць зыходнік]

Даўжыня цела 4-6 см, маса 6-22 г. Морда кароткая, круглаватая. Скура гузаватая, на спіне шэравата-аліўкавая з цёмнымі плямамі, на брушку брудна-белая з дробнымі плямінкамі. Уздоўж галавы і спіны праходзіць светлая вузкая палоска, што з'яўляецца найбольш характэрнай прыкметай віду. Канечнасці адносна кароткія. У адрозненне ад іншых рапух чаротная не поўзае, не скача, а даволі хутка бегае.

Распаўсюджанне[правіць | правіць зыходнік]

Пашырана чаротная рапуха па ўсёй Заходняй Еўропе, уключаючы Брытанскія астравы і Паўднёвую Швецыю, акрамя Італіі і Балканскага паўвострава. Праз паўночна-заходнюю Украіну, Беларусь (па лініі Лепель-Бабруйск), Прыбалтыку праходзіць усходняя мяжа арэала віду. Адзначаецца спарадычнасць, нераўнамернасць размеркавання.

Месцы пражывання: участкі з пясчанымі глебамі, якія мяжуюць з забалочанымі землямі і вадаёмамі, узлескі хваёвых лясоў, дзюны, лугі, узбочыны палёў, агароды, паркі. Можа жыць на меліяраваных тэрыторыях.

Асаблівасці біялогіі[правіць | правіць зыходнік]

Ярка выяўлена актыўнасць на змярканні, днём чаротная рапуха трапляецца толькі ў пахмурную пагоду, а звычайна хаваецца ў норах, пад камянямі, бярвеннем, закопваецца ў пясок. Корміцца ў асноўным насякомымі і іншымі беспазваночнымі, лічынкамі.

На зімоўку чаротная рапуха адыходзіць у верасні і хаваецца ў розных наземных сховішчах або зарываецца ў глебу. Вясной з'яўляецца звычайна ў траўні. Самцы маюць добра развіты рэзанатар і падаюць гучныя, рэзкія і скрыпучыя шлюбныя крыкі «эррр-эррр-эррр» або «ра-ра-ра». «Канцэрты» пачынаюцца ў першай дэкадзе траўня, іх можна пачуць у цёмны час сутак. Спароўванне адбываецца толькі ў гэты час сутак, а днём яны хаваюцца на дне вадаёмаў. Для размнажэння чаротная рапуха выкарыстоўвае розныя тыпы вадаёмаў, што маюць водмелі, якія добра праграюцца.

Полавая спеласць у 3-4 гады. Адкладванне ікры з красавіка па жнівень. Самка адкладвае 3-4 тыс. ікрынак, размешчаных у два рады шнурамі даўжынёй да 1,5-1,8 м. Развіццё лічынак доўжыцца каля 50 сутак, пасля чаго маладыя асобіны пакідаюць вадаёмы і жывуць на сушы

Літаратура[правіць | правіць зыходнік]

  • Земнаводныя. Паўзуны: Энцыклапедычны даведнік. — Мн., БелЭн, 1996. ISBN 985-11-0067-6
  • Пікулік М. М. Навошта нам амфібіі? — Мн.: Навука і тэхніка, 1992. ISBN 5-343-00383-4

Спасылкі[правіць | правіць зыходнік]

Зубр еўрапейскі Гэты від занесены ў Чырвоную кнігу Беларусі і ахоўваецца законам.
III катэгорыя (VU)