Робер Кампен

З пляцоўкі Вікіпедыя
Перайсці да: рух, знайсці
Робер Кампан
нідэрл.: Robert Campin
Дата нараджэння:

каля 1378

Дата смерці:

26 красавіка 1444(1444-04-26)

Месца смерці:

г. Турне(руск.) бел.

Робер Кампен (1378 або 1379, Валансьен, Нідэрланды — 26 красавіка 1444, г. Турне(руск.) бел.) — нідэрландскі жывапісец, які, як правіла, атаясамліваецца з Флемальскім майстрам(руск.) бел. — невядомым мастаком, які стаіць ля вытокаў традыцыі ранняга нідэрландскага жывапісу(руск.) бел. (так званых «фламандскіх прымітываў»). Настаўнік Рагіра ван дэр Вейдэн і адзін з першых партрэтыстаў у еўрапейскім жывапісе.

Біяграфія[правіць | правіць зыходнік]

«Раство», каля 1425

Аб мастаке Роберы Кампене, якому прыпісваюцца карціны Флемальскага майстра, вядома досыць многа. Лічыцца, што Рабэр Кампен нарадзіўся горадзе Валансьене — некалі квітнеючай сталіцы графства Эно(руск.) бел.. У датыроўцы гэтай падзеі даследчыкі разыходзяцца, называючы розныя даты паміж 1375 і 1380 гадамі. Імя Кампена сустракаецца ў дакументах пачынаючы з 1406 года. У 1410 годзе ён атрымаў правы грамадзянства ў буйным фламандскім горадзе Турне і стаў там гарадскім жывапісцам. У дакументах гарадскога архіва захаваліся дадзеныя аб тым, што яму належала некалькі дамоў у Турне, што сведчыць пра пэўны матэрыяльны дабрабыт Кампена. Крыніцы сведчаць, што мастак валодаў вялікай майстэрняй са мноствам вучняў (упершыню гэтая майстэрня згадваецца ў 1418 годзе), сярод якіх былі вядомыя пасля жывапісцы Рагір ван дэр Вейдэн (у дакуменце аб прыёме вучня стаіць імя Ражэле дэ ля Пастарэ, але даследчыкі лічаць, што гэта Рагір ван дэр Вейдэн) і Жак Дарэ(руск.) бел., якія згадваюцца як яго вучні з 1427 па 1432 годы. Ёсць меркаванне, што ў 1427 годзе ў Турне наведаў Ян ван Эйк, які прыехаў у горад, па ўсёй бачнасці, для знаёмства з мастацтвам Кампена. Кампен адыгрываў тады важную ролю ў грамадскім жыцці горада, браўся за самую разнастайную працу, ад фрэсак да кардонаў для шпалер, не кажучы ўжо пра менш буйныя заказы. Адзіны дакладна датаваны твор, які прыпісваецца Кампену, «Алтар Верлена» ставіцца да 1438 года (цяпер знаходзіцца ў Прада, Мадрыд). У 1423 годзе Кампен прыняў удзел у выступе гараджан супраць кіруючага у Турне патрыцыята, увайшоўшы пасля таго ў лік членаў новага гарадскога кіравання. Неўзабаве, аднак, патрыцыі зноў вярнуліся да ўлады, а мастак падвергся пераследам. Ёсць меркаванне, што гэта было выклікана палітычнымі сімпатыямі Кампена да французскага караля ў эпоху вострага суперніцтва паміж бургундскім герцагствам і французскім каралеўствам.

Літаратура[правіць | правіць зыходнік]

  • Кампен // БЭ ў 18 т. Т. 7. Мн., 1998.
Commons