Масальскія

Масальскія
Краіна паходжання	Карачаўскае княства
Тытул	князі
Прызнаныя ў	Вялікае Княства Літоўскае, Расійская імперыя

Масальскія — княжацкі род гербу ўласнага «Масальскі»; Рурыкавічы, нашчадкі чарнігаўскіх князёў.

Паходжанне

Карачаўскі князь Святаслаў Цітавіч у шлюбе з князёўнай Фядорай, дачкой вялікага князя літоўскага Альгерда, меў 7 сыноў і дачку. Адзін з іх — Юрый — у канцы XIV ст. атрымаў ува ўдзел частку Карачаўскага княства з горадам Масальскам. Яго сыны Васіль, Уладзімір і Сямён супольна валодалі Масальскім княствам, якое ў 1492 годзе захапіў вялікі князь маскоўскі Іван III.

Вяркайскі палац Ігнацыя Масальскага.

Вялікалітоўская (гарадзенская) галіна Масальскіх узвысілася ў XVIII стагоддзі да ўзроўню магнатэрыі і параднілася з найбагацейшымі родамі Рэчы Паспалітай.

Вядомыя асобы з вялікалітоўскай галіны

• Аляксандр Масальскі (?—1645) — ваявода менскі
• Міхал Юзаф Масальскі (каля 1700—1768) — польны і вялікі гетман літоўскі
• Юзаф Адрыян Масальскі (каля 1726—1765) — маршалак сейма 1752 года ў Гродне.
• Ігнацы Якуб Масальскі (1727—1794) — біскуп віленскі

Іканаграфія роду Масальскіх

• 
  Міхал Юзаф Масальскі
• 
  Ігнацы Якуб Масальскі
• 
  Алена Патоцкая (з Масальскіх)
• 
  Юзэфа Масальская (з Радзівілаў)

Літаратура

• Вяроўкін-Шэлюта У. Масальскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 275. — 792 с. — ISBN 985-11-0378-0 (т. 2), ISBN 985-11-0315-2.
• Поліщук В. Князі Масальські на Волині у ХVІ ст. за документами Державного історичного архіву Литви (Руська титулована знать у просторі Великого Князівства Литовського). — Київ: Інститут української археографії та джерелознавства ім. М.С. Грушевського НАН України, 2007. — 100 с.

Спасылкі

• На Вікісховішчы ёсць медыяфайлы па тэме Масальскія