Рудакі
| Рудакі | |
 |
|
| Імя пры нараджэнні: |
Абу Абдалах Рудакі |
|---|---|
| Дата нараджэння: |
каля 858 |
| Месца нараджэння: |
паселішча Панджрудак, цяпер Пенджыкент цяпер Сагдыйская вобласць Таджыкістан |
| Дата смерці: | |
| Месца смерці: | |
| Род дзейнасці: |
Персідскі паэт |
Рудакі Абу Абдалах (Абуль Хасан) Джафар (каля 860, Панджуруд, Таджыкістан — 941) — таджыкскі і персідскі паэт; заснавальнік паэзіі на мове фарсі.
Паводле падання, быў аслеплены. Атрымаў схаластычную адукацыю, ведаў арабскую мову. Праславіўся як спявак і музыкант-рапсод, магчыма, і як аўтар. Больш за 40 гадоў узначальваў плеяду паэтаў пры двары правіцеляў Бухары. Перад смерцю зазнаў ганенне, памёр у галечы.
Да сённяшняга часу дайшло каля тысячы яго двухрадкоўяў, цалкам — касыда «Маці віна» (933), аўтабіяграфічная «Ода на старасць» і каля 40 чатырохрадкоўяў (рубаі). Аўтар панегірыкаў, лірычных і дыдактычных твораў, паэм, у т.л. «Каліла і Дымна» (932, пераклад з арабскай, збераглася ў фрагментах). У яго творах апяваецца радасць быцця, дружба, высакародства, каханне, хараство прыроды. Створаны ім стыль пераважаў у фарсімоўнай паэзіі да ХІ ст.
На беларускую мову асобныя вершы Рудакі пераклаў Сяргей Грахоўскі.
