Рыгор Фядосавіч Таболіч

Рыгор Фядосавіч Таболіч
Дата нараджэння	13 сакавіка 1956(1956-03-13) (68 гадоў)
Месца нараджэння	Палосцевічы, Ленінскі сельсавет, Ленінскі раён, Брэсцкая вобласць, БССР, СССР
Грамадзянства	СССР  Беларусь
Жонка	Марыя Яўгенаўна Таболіч
Дзеці	Алесь Таболіч
Род дзейнасці	мастак
Месца працы	Магілёўскае вучылішча культуры імя Н. К. Крупскай
Жанр	пейзаж, партрэт, нацюрморт і тэматычная карціна[d]
Вучоба	Беларускі дзяржаўны тэатральна-мастацкі інстытут (1981) Мінскае мастацкае вучылішча імя А. К. Глебава (1973)
Член у	Саюз мастакоў БССР

Рыгор Фядосавіч Табо́ліч (13 сакавіка 1956, вёска Палосцевічы, Жыткавіцкі раён, Гомельская вобласць) — беларускі мастак, педагог. Муж Марыі Таболіч, бацька Алеся Таболіча.

Біяграфія

У 1975 годзе скончыў Мінскае мастацкае вычулішча, а ў 1981 годзе — Беларускі тэатральна-мастацкі інстытут. У 1990—1998 гадах выкладчык мастацкага аддзялення Магілёўскага рэспубліканскага культурна-асветніцкага вучылішча імя Н. К. Крупскай, у 2000 годзе адкрыў першую прыватную мастацкую галерэю ў Магілёве.

Творчасць

Працуе ў галіне станковага жывапісу, у жанрах сюжэтна-тэматычнай карціны, партрэта, пейзажа, нацюрморта.

Прысвяціў тэме Вялікай Айчыннай вайны дыптых «Вогненная вёска» (1984). У карцінах «Маці паэта» (1981), «Вянок Максіма» (1982) і трыпціху «Тры санеты» (1991) адлюстраваны жыццёвы і творчы шлях М. Багдановіча.

Аўтар карцін «Калодзеж» (1981), «3 глыбінь вякоў», «Стыхія» (абедзве 1985), «Шлях», «Акно» (абедзве 1987), «Плынь» (1992), трыпціха «Адлюстраванне» (1996). Метафарычнасць, сувязь са спрадвечным у творах «Аблічча», «Таямніцы», «Матчына скарбонка» (усе 1992), «Бляск старажытнасці» (1993), трыпціху «Белая Русь», «Чырвоная Русь», «Чорная Русь» (1995), палотнах «Рух» і «Нараджэнне» (абодва 1999) і інш. Выканаў манументальную работу для інтэр’ера Магілёўскай абласной бібліятэкі «Асветнікі» (1990).

Член Беларускага саюза мастакоў з 1985 года.

Літаратура

• Табо́ліч Рыгор Фядосавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 367. — 10 000 экз. — ISBN 985-11-0035-8. — ISBN 985-11-0251-2 (т. 15).
• Піскун, Ю. Чэрпаючы зоркі з глыбіні сваёй палескай студні… // Беларусь. — 1994. — № 8.
• Фатыхава, Г. Табо́ліч Рыгор Фядосавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 487. — 10 000 экз. — ISBN 985-11-0214-8.
• Таболіч Рыгор Фядосавіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

Спасылкі

• Таболіч Рыгор Фядосавіч на сайце анлайн-энцыклапедыі «Беларусь у асобах і падзеях»
• Таболич Григорий Федосович (руск.) // Магілёўская абласная бібліятэка імя У. І. Леніна