Сан-Барталамеа

Сан-Барталамеа

Сан-Барталамеа, від з мосту Понтэ-Фабрыцыа

Сан-Барталамеа (лац.: Sancti Bartholomaei in Insula) — тытулярная базіліка на востраве Тыберына, у Рыме.

Царква была пабудавана па загаду імператара Атона III у 1000 годзе на месцы антычнага храма Эскулапа. Царква некалькі разоў рэстаўравалася, у тым ліку ў 1583 г. пад кіраўніцтвам Марціна Лонгі мал. пасля паводкі. Пасля рэстаўрацыі ў 1624 годзе царква набыла сваё цяперашняе аблічча. Рэстаўрацыйныя працы ў барочным стылі ўнутры царквы праводзіліся ў 1720—1739 гг., у 1852—1865 гг. унутранае ўбранне перароблена ў стылі гістарызму. Сярод калон знаходзяцца 4 скульптуры: Збавіцеля, св. Адальберта Пражскага, апостала (магчыма св. Варфаламея) і Атона III.

У 2002 годзе Папа Ян Павел II прысвяціў Сан-Барталамеа новым мучанікам XX стагоддзя.

Тытулярная царква

Царква Святога Варфаламея з'яўляецца тытулярнай царквой, кардыналам-святаром з тытулам царквы Святога Варфаламея з 21 лютага 1998 года, з'яўляецца амерыканскі кардынал Фрэнсіс Юджын Джордж.

Літаратура

• Heinz-Joachim Fischer, «Rom. Zweieinhalb Jahrtausende Geschichte, Kunst und Kultur der Ewigen Stadt», DuMont Buchverlag, Köln 2001, ISBN 3-7701-5607-2.

Спасылкі

• Афіцыйная старонка царквы Сан Барталомеа іт. , англ., ням.
• На ВікіСховішчы ёсць медыяфайлы па тэме Сан-Барталамеа