Свята-Троіцкая царква (Бытча)

З Вікіпедыі, свабоднай энцыклапедыі
(Пасля перасылкі з Свята-Троіцкая царква, Бытча)
Праваслаўны храм
Свята-Троіцкая царква
54°18′40″ пн. ш. 28°24′11″ у. д.HGЯO
Краіна  Беларусь
Вёска Бытча
Канфесія Беларуская праваслаўная царква
Епархія Барысаўская епархія
Архітэктурны стыль рэтраспектыўна-рускі стыль
Дата пабудовы 1891 год
Праблемы з <mapframe>:
  • Атрыбут «latitude» мае няслушнае значэнне
  • Атрыбут «longitude» мае няслушнае значэнне

Свята-Троіцкая царква — праваслаўны храм у в. Бытча (Барысаўскі раён). Размешчана на паўночна-заходняй ускраіне вёскі. Помнік архітэктуры рэтраспектыўна-рускага стылю.

Гісторыя[правіць | правіць зыходнік]

Царква ў пачатку XX ст.

Пабудавана ў 1891 г. з цэглы на месцы старога храма[1]. Зруйнавана ў гады Вялікай Айчыннай вайны, адноўлена ў 1990-я гг.

Архітэктура[правіць | правіць зыходнік]

Вертыкальнай дамінантай 4-часткавай аб'ёмна-прасторавай кампазіцыі будынка з'яўлялася 2-ярусная (васьмярык на чацверыку) званіца, спічасты шацёр якой завяршаўся макаўкай і меў слыхавыя кілепадобныя люкарны. Званіца ўрэзана ў папярочны аб'ём прытвора, які праз трапезную далучаецца да кубападобнай малітоўнай залы, накрытай пакатым 4-схільным дахам, які завяршаўся 4-гранным барабанам з цыбулепадобнай галоўкай. У дэкоры выкарыстаны кілепадобныя франтоны і аркі, здвоеныя бочкападобныя паўкалоны, цыбулепадобныя купалы (знесены ў пасляваенны час). Плоскасныя фасады дэкарыраваны філёнгавым фрызам і вуглавымі лапаткамі з шырынкамі, расчлянёны прамавугольнымі аконнымі праёмамі.

Інтэр'ер[правіць | правіць зыходнік]

Унутраная прастора царквы складаецца з рознавялікіх, размешчаных па падоўжнай планіровачнай восі памяшканняў прытвора, трапезнай, малітоўнай залы, апсіды. Па баках прытвора і апсіды вылучаны бакоўкі. Памяшканні перакрыты драўлянымі корабамі скляпеннямі і аб'яднаны шырокімі лучковымі аркамі.

Хрысцільная царква[правіць | правіць зыходнік]

З правага боку ад храма стаяла хрысцільная царква — прамавугольны ў плане драўляны будынак з апсідным 3-сценкам, накрыты 2-схільным з вальмамі дахам. Над якім узвышаліся 2 макаўкі.

Зноскі

  1. РДГА, ф. 799, воп. 33, спр. 320, арк. 141.

Літаратура[правіць | правіць зыходнік]

Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі[правіць | правіць зыходнік]