Сенненскі гісторыка-краязнаўчы музей

Сенненскі гісторыка-краязнаўчы музей
Профіль	Комплексны
Заснаваны	1995
Падпарадкаванасць	Міністэрства культуры Рэспублікі Беларусь
Месцазнаходжанне	Сянно, Беларусь
Памеры фонду	1201
Агульная плошча	320
Выставачная плошча	247
Плошча запаснікаў	10
Адрас	211117, Рэспубліка Беларусь, Віцебская вобласць, г. Сянно, вул. Савецкая, 13
Адкрыты	09:00–18:00, акрамя панядзелка
senno.museum.by/be

Сенненскі гісторыка-краязнаўчы музей — музей у горадзе Сянно Віцебскай вобласці.

Рашэнне аб стварэнні Сенненскага раённага гісторыка-краязнаўчага музея было прынята ў жніўні 1995 г. Плошча экспазіцыі 247 м². Пад музей адведзены другі паверх двухпавярховага цаглянага будынка, пабудаванага ў 1913 г. для земскай управы. Пасля рэвалюцыі 1917 г. тут размяшчаліся райвыканкам, гарсавет, бібліятэка, музычная школа, Дом піянераў.

У музеі праводзяцца выставы твораў самадзейных i прафесійных мастакоў, народных умельцаў, дзіцячай творчасці. Маецца каля 2000 экспанатаў асноўнага фонду. Сярод ix творы землякоў: мастака У. К. Гоманава, скульптара 3. І. Азгура. Сабраны дакументы пра паэтаў – землякоў: Тадэвуша Ладу-Заблоцкага, Тамаша Зана, Андрэя Зязюлю, Алеся Жаўрука, Анатоля Вялюгінa. На пастаяннай аснове працуюць малыя экспазіцыі па археалогіі, гісторыі краю, «Мы ідзём дарогамі вайны».

Літаратура

• Беларуская энцыклапедыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 экз. — ISBN 985-11-0238-5 (Т. 14).
• Лазука I. Так пачынаецца музей / / Народнае слова (Віцебск). – 1996. – 27 жн.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Старонка музея на Museum.by