Серж Арош

Серж Арош
фр.: Serge Haroche
Дата нараджэння:	11 верасня 1944(1944-09-11) (68 гадоў)
Месца нараджэння:	Касабланка, Французскае Марока
Краіна:	Францыя
Навуковая сфера:	квантавая механіка
Месца працы:	Універсітэт П'ера і Марыі Кюры, Калеж дэ Франс
Альма-матэр:	Вышэйшая звычайная школа, Універсітэт П'ера і Марыі Кюры
Узнагароды і прэміі	Нобелеўская прэмія па фізіцы (2012)

Серж Арош (фр.: Serge Haroche; нар. 11 верасня 1944) — французскі фізік, лаўрэат Нобелеўскай прэміі па фізіцы (2012) (сумесна з Дэвідам Вайнлендам) з фармулёўкай за «стварэнне прарыўных тэхналогій маніпулявання квантавымі сістэмамі».

Біяграфія

Серж Арош нарадзіўся 11 верасня 1944 года ў Касабланцы, у яўрэйскай сям'і мараканца (па бацьку) і адэсіткі (па маці). Яго маці - Валянціна Арош (у дзявоцтве Рублёва, 1921-1998) - працавала настаўніцай, бацька - Альбер Арош (1920-1998, родам з Маракеша) - быў адвакатам. Яго бабуля і дзядуля (Ісаак і Эстэр Арош) ўзначальвалі школу Сусветнага яўрэйскага саюза École de l'Alliance Israélite. Калі Сержу было 12 гадоў, Марока абвясціла незалежнасць, і яго сям'я пераехала ў французскую метраполію.

Арош з'яўляецца членам Французскага, Еўрапейскага і Амерыканскага фізічнага таварыства. Цяпер жыве ў Парыжы.

Узнагароды

• 1992 - Прэмія Гумбальта
• 1993 - Медаль Альберта Майкельсана
• 2007 - Узнагарода Чарльза Таўнса
• 2009 - Залаты медаль CNRS
• 2012 - Нобелеўская прэмія па фізіцы (сумесна з Дэвідам Вайнлендам)

Выбраныя працы

• Exploring the Quantum — Atoms, Cavities and Photons (with Jean-Michel Raimond) Oxford University Press, September 2006, ISBN 978-0-19-850914-1