Смаленска-Маскоўскае ўзвышша

З пляцоўкі Вікіпедыя
Перайсці да: рух, знайсці

Смаленска-Маскоўскае ўзвышша — узвышша, якое размяшчаецца на тэрыторыі Яраслаўскай, Уладзімірскай, Маскоўскай і Смаленскай абласцей Расіі, а таксама Віцебскай вобласці Беларусі. Працягнулася з паўднёвага захаду на паўночны ўсход ад беларускага горада Орша да Юр'ева-Польскага. Складаецца з Смаленскага і Маскоўскага ўзвышшаў. Мае даўжыню каля 500 км, вышэйшая кропка — 320 м (у паўночна ўсходняй часцы Смаленскай вобласці). Рэльеф узгорысты, эразійна-марэнавы.

Узвышша дрэнуецца рэкамі басейна Дняпра (на захадзе) і Волгі (на ўсходзе). Пакрытая змяшанымі лясамі (пераважаюць елка і бяроза). Глебы — дзярнова-падзолістыя суглінкавыя. Частыя тарфяные балоты.

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).