Соценная серыя, снукер

З пляцоўкі Вікіпедыя
Перайсці да: рух, знайсці

Соценная серыя (англ.: сеntury break), або «Сэнчуры» — снукерная серыя, роўная 100 і больш ачкам. Іншымі словамі, соценная серыя мае на ўвазе пад сабой набор 100 і больш ачкоў за адзін падыход да стала без допуску памылак. Такім чынам, гулец выконвае яе па чарзе забіваючы чырвоныя і каляровыя шары. Набор 100 балаў на працягу ўсяго фрэйма не з'яўляецца "сэнчуры", так як трэба набраць ачкі за адну серыю. Ачкі, якія налічваюцца за памылку суперніка, не ўваходзяць у брэйк гульца.

Максімальна магчымая соценная серыя - 147 ачкоў ("максімальная серыя"), якая складаецца з 15 чырвоных, 15 чорных і 6 апошніх каляровых шароў (жоўтага, зялёнага, карычневага, сіняга, ружовага і чорнага), забітых па чарзе. Тэарэтычна магчыма набраць больш за 147 ачкоў, калі гулец, пасля памылкі суперніка, пачынае серыю са "свабоднага шара".

Для таго, каб у гульца была магчымасць зрабіць соценную серыю, на стале перад падыходам павінна заставацца 10 чырвоных шароў (ці 9 у выпадку са "свабодным шарам"). Калі на стале застаецца 9 чырвоных шароў, то максімальна магчымая серыя - 99 ачкоў (9 x 8 + 27 = 99).