Малінаўка (станцыя метро)
«Малінаўка» руск.: Малиновка | |
|---|---|
Маскоўская лінія | |
 Мінскі метрапалітэн | |
 | |
| Дата адкрыцця | 3 чэрвеня 2014[1] |
| Праектная назва | Універсітэт, Універсітэцкая |
| Раён | Маскоўскі |
| Тып | Мелкага закладання |
| Выхад да вуліц | Дзяржынскага, Сяргея Ясеніна, Яна Чачота, Ежы Гедройца, Касманаўтаў |
| Наземны транспарт |
А: 28, 30с, 30а, 96, 97, 103, 104, 114с, 120, 132, 134с, 147, 156с, 170э Т: 10, 25 |
| Час адкрыцця | 5:32—0:42 |
| Код станцыі | 110 |
| Суседнія станцыі | Пятроўшчына |
 Медыяфайлы на Вікісховішчы | |
Малінаўка (трансліт.: Malinaŭka) — канцавая станцыя Маскоўскай лініі Мінскага метрапалітэна, знаходзіцца на перакрыжаванні праспекта Дзяржынскага, вуліц Ясеніна і Яна Чачота, каля мікрараёнаў Малінаўка і Брылевічы. Адкрылася 3 чэрвеня 2014 года. Названа на памяць колішняй вёскі Малінаўкі, якая ўвайшла ў склад горада[2].
Будаўніцтва[правіць | правіць зыходнік]
Будаўніцтва станцыі пачалося ў 2010 годзе. Архітэктар — Уладзімір Целяпнёў, скульптар — Максім Пятруль.
Праходка перагонных тунэляў ад станцыі «Пятроўшчына» да перасячэння з вуліцай Касманаўтаў вялося закрытым спосабам, ад скрыжавання з вуліцай Касманаўтаў да станцыі «Малінаўка» — адкрытым спосабам.
Спачатку адкрыццё планавалася 7 лістапада 2013 года[3], аднак гэтаму перашкодзілі грунтавыя воды на месцы ракі Лошыцы[4]. Участак стаў самым складаным у гісторыі будаўніцтва Мінскага метрапалітэна. У кастрычніку 2012 — чэрвені 2013 гадоў праходчыкі-ўніверсалы змагаліся з грунтавымі водамі ў двух тунэлях. Амаль 700 чалавек працавалі на аб’екце ў тры змены і без выхадных. Нягледзячы на гэта, у самыя складаныя дні будаўнікі прасоўваліся наперад толькі на 1-1,5 метры[5][6].
У красавіку 2013 года шэраг беларускіх інтэрнэт-рэсурсаў паведаміў, што імавернасці адкрыцця працягу першай лініі метро ад «Пятроўшчыны» да «Малінаўкі» ў лістападзе 2013 года амаль няма. 11 верасня 2013 года Мікалай Ладуцька паведаміў, што адкрыццё станцыі перанесена на май 2014 года[7]. 7 мая 2014 года старшыня Мінгарвыканкама паведаміў, што станцыя не будзе адкрыта ў названы час, а толькі цягам некалькіх тыдняў пасля 9 мая 2014 года.
23 мая 2014 года прайшоў пробны цягнік[8]. Адкрыццё станцыі адбылося 3 чэрвеня 2014 года а 15:00 па ўсходнееўрапейскім часе.
Пасажырапаток[правіць | правіць зыходнік]
У першы год працы станцыяй карысталіся 32 тысячы пасажыраў штодзень. Тым часам загружанасць станцыі «Пятроўшчына» знізілася з 50 тысяч, да 32 тысяч адносна паказчыкаў першага года, калі яна была канцавой[9].
З’яўляецца адной з самых напружаных станцый на лініі.
Дызайн[правіць | правіць зыходнік]
Паводле скульптара Максіма Пятруля, у аснове мастацкай канцэпцыі ляжыць ідэя мемарыялізацыі вёскі, якая ўвайшла ў склад горада[2].
«Малінаўка» выяўляе сабой гай — калоны зроблены ў стылі дрэваў. На сцены нанесены раслінны арнамент з выявамі ягад маліны, а ў стылізаванай назве станцыі размешчаны птушкі малінаўкі (заранкі).
На станцыі з 9:00 да 16:00 можна пачуць спеў птушак малінавак (заранак). Запіс ўключае дзяжурны па станцыі ў інтэрвалах паміж прыбыццём цягнікоў. Працягласць спеву меней за хвіліну, пасажырам гэтая асаблівасць станцыі вельмі падабаецца[10].
Скульптар Максім Пятруль з’яўляецца аўтарам твораў візуальнага мастацтва, інтэграваных у грамадскую прастору станцыі Малінаўка, спраектаванай архітэктарам Уладзімірам Целяпнёвым. На станцыі ажыццяўляецца ўкараненне твораў Петруля, такім чынам яна набыла экспазіцыйную функцыю, стала выставачнай пляцоўкай, альтэрнатыўнай традыцыйным выставачным прасторам — музеям, галерэям і арт-цэнтрам. Асноўная задача твораў не столькі дэкаратыўная функцыя, як рэпрэзентатыўная — прадстаўленне саміх сябе як завершаных мастацкіх твораў «візуальнага мастацтва для грамадскіх прастор»[11].
Галерэя[правіць | правіць зыходнік]
.jpg)
Зноскі
- ↑ http://www.belta.by/ru/all_news/regions/V-Minske-otkrylas-stantsija-metro-Malinovka_i_671303.html
- ↑ а б https://minsk-metro.net/blog/archives/4148
- ↑ https://realt.onliner.by/2012/10/03/metro-34
- ↑ https://minsk-metro.net/blog/archives/2131
- ↑ https://ctv.by/novosti-minska-i-minskoy-oblasti/prichina-perenosa-srokov-stroitelstva-stancii-metro-malinovka-na Архівавана 12 красавіка 2016.
- ↑ https://realt.onliner.by/2014/06/03/metro-79
- ↑ https://realt.onliner.by/2013/09/11/metro-59
- ↑ http://freesmi.by/novost-dnya/142587
- ↑ https://mediaalyans.by/services/reklama-v-metro/reklamnye-plakaty-na-stantsiyah-i-v-perehodah-metro/st-m-petrovshhina/
- ↑ https://mag.relax.by/citynews/10606823-kogda-pojut-pticy-na-malinovke-kakije-sozvezdija-jesty-na-petrovshhine-i-kak-chasto-vorujut-grushi-na-grushevke-3-fakta-o-minskom-metro/
- ↑ Сайт минского метрополитена. Минский скульптор рассказал о том, как создавался образ станции «Малиновка» (руск.)
Спасылкі[правіць | правіць зыходнік]
На Вікісховішчы ёсць медыяфайлы па тэме Малінаўка (станцыя метро)- Сайт минского метрополитена. Как это было: станция «Малиновка» (руск.)
- Сайт минского метрополитена. Минский скульптор Максим Петруль рассказал о том, как создавался образ станции «Малиновка» (руск.)
