Ступа

Ступа (ад санскрыт स्तूप узвышша) або дагоба (санскрыт दातु-गर्भ месца рэліквій) — будысцкае культавае збудаванне ў выглядзе купалу для захавання рэліквій.

Згодна рэлігійнай традыцыі, першыя ступы былі ўзведзены над прахам, пахавальнай урнай і вуглямі з пахавальнага вогнішча Буды пасля яго смерці. На працягу стагоддзяў у розных краінах з'явіліся розныя найменні і традыцыі будавання ступ, аднак усе яны робяцца замкнёнымі, полымі знутры, але з разнастайнымі архітэктурнымі элементамі (фундаментам, ступенямі, падстрэшкамі, громаадводам, парэнчамі і г. д.) са знешняга боку.

Ступы звычайна падзяляюцца на:

• Пахавальныя (з рэшткамі Буды або яго знакамітых паслядоўнікаў)
• Памятныя (у гонар пэўных падзей з жыцця Буды)
• Рэчавыя (са свяшчэннымі рэчамі і тэкстамі)
• Сімвалічныя (як сімвалы пэўных пастулатаў будысцкай тэалогіі)
• Запаветныя (у гонар рэлігійных запаветаў)

Галерэя

• 

  Пакістан, II ст. да н. э.

• 

  Барабудур у Інданезіі, 750 - 850 гг.

• 

  Паланарува на Шры-Ланцы, XII ст.

• 

  Ангкор-Ват у Камбоджы, XII ст.

• 

  Паўночная Індыя, XX ст.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

• На ВікіСховішчы ёсць медыяфайлы па тэме Ступа

• Усё пра ступы