Стывен Спілберг

Стывен Спілберг Steven Spielberg
Стывен Спілберг у Пентагоне (11 жніўня 1999)
Імя пры нараджэнні:	Стывен Алан Спілберг
Дата нараджэння:	18 снежня 1946(1946-12-18) (65 гадоў)
Месца нараджэння:	Цынцынаці, Агаё, ЗША
Грамадзянства:	ЗША
Прафесія:	кінарэжысёр, кінапрадзюсар, сцэнарыст
Кар'ера:	1959 — цяперашні час
IMDb:	ID 0000229
Узнагароды:	«Оскар» (1993, 1998) «Залаты глобус» (1993, 1998) BAFTA (1993)

Сты́вен Спі́лберг (Steven Spielberg; нарадзіўся 18 снежня 1946) — знакаміты амерыканскі кінарэжысёр, сцэнарыст і прадусар.

Біяграфія

Раннія гады

Стывен Спілберг нарадзіўся ў Цынцынаці (штат Агаё, ЗША) у сям'і электрыка і прафесійнай піяністкі. Маці прыйшлося растацца з думкай аб кар'еры дзеля выхавання чацвярых дзяцей — Стывена, Эна, Сью і Нэнсі. Неўзабаве сям'я пераязджае ў Фінікс (штат Арызона) — глухое правінцыйнае мястэчка, дзе Стывен пайшоў у школу. Ён быў адзіным габрэем у класе, што зрабіла хлопчыка даволі замкнёным дзіцем. Стывен часта сядзеў дома і глядзеў тэлевізар. А калі ад бацькі ён атрымаў у падарунак партатыўную 8-міліметровую кінакамеру, яна апынулася настолькі ўдалым падарункам, што праз некаторы час у Стывена з'явілася мянушка «чалавек-кінакамера». Праз некалькі месяцаў ён спрабуе здымаць кароткаметражныя фільмы з акторамі. Нават спрабуе рабіць фільмы жахаў, у якіх замест крыві выкарыстае вішнёвы сок. У 12 гадоў ён — навучэнец Каледжа штата Каліфорнія (California State College) — упершыню прыняў удзел у юнацкім конкурсе аматарскіх фільмаў. У першым у яго жыцці конкурсе хлапчук перамагае, прадставіўшы на суд журы сваю 40-хвілінную карціну аб вайне «Уцёкі ў нікуды» (1960), у якім здымаліся яго бацькі і сёстры. 24 сакавіка 1963 году ў мясцовым кінатэатры адбылася незвычайная прэм'ера — двухгадзінны фільм «Нябесныя агні», зняты мясцовымі школьнікамі на чале са Стывенам Спілбергам, які распавядае гісторыю выкрадання людзей іншапланецянамі для выкарыстання іх у касмічным заапарку. Прафінансавалі карціну бацькі Стывена: у праект было ўкладзенае каля 600 даляраў, бясплатная ежа здымачнай групе ад маці, дапамога ў будаўніцтве макетаў ад бацькі.

1970-я гады

У Каліфорніі, куды пераехалі Спілбергі, Стывен двойчы спрабаваў паступіць у кінашколу пры Універсытэце Паўднёвай Каліфорніі. Двойчы яго адпрэчылі з рэзюмэ — «занадта бясталентны». Тады ён паступае ў тэхнічны каледж, а на вакацыях здымае 20-хвілінны фільм «Эмблін», які стаў яго трамплінам у вялікае кіно. У 1969 годзе кампанія Universal Pictures пасля прагляду «Эмблін» складае з маладым рэжысёрам кантракт на першы эпізод новага серыяла «Начная галерэя» (1969). А праз два года ён здымае свой першы паўнамэтражны фільм «Двубой» (1971). Карціна створаная для тэлебачаньня, якая заваявала Гран-пры на толькі што створаным фэсце фантастычных фільмаў «Аварыяз», пасля свайго посьпеху была перанесеная на вялікі экран. Асновай для «Двубоі» паслужыў аповяд Рычарда Мэтэсана (Richard Matheson), які ў сваю чаргу быў напісаны, абапіраючыся на рэальны выпадак. У карціне ў якасці галоўных дзейсных асоб «зняліся» два аўтамабіля: мініятурная легкавушка і вялікі бензавоз, які ўвесь час пераследвае малую, імкнучыся яе знішчыць.

Рэжысёрскім дэбютам Спілберга на вялікім экране стаў фільм «Шугерлендскі экспрэс» (1974), атрымалы добрыя водгукі крытыкаў.

Выняткі аб Стывене Спілбергу і яго творчасці

"Зрабіць добры фільм — вельмі цяжка! Зрабіць фільм, які падабаецца гледачам — нялёгка.

Але зрабіць добры фільм, які падабаецца гледачам, і паўтараць гэта з года ў год — усё роўна што знайсці той самы Святы Грааль, дзеля якога рызыкаваў жыццём Індыяна Джонс і якім горача жадалі бы завалодаць шматлікія ў Галівудзе!"

Спасылкі

• На ВікіСховішчы ёсць медыяфайлы па тэме Стывен Спілберг
• Стывен Спілберг(англ.)  на сайце Internet Movie Database
• «Светы Стывена Спілберга» — неафіцыйны расійскі вэб-сайт прыхільнікаў Спілберга
• The original Indiana Jones: Otto Rahn and the temple of doom
• Стывен Спілберг у Электроннай яўрэйскай энцыклапедыі