Стыпендыяльная праграма імя Кастуся Каліноўскага
Стыпендыяльная праграма Урада Польскай Рэспублікі імя Кастуся Каліноўскага пад патранатам прэм’ер-міністра Польшчы[1] (польск.: Program Stypendialny Rządu Rzeczypospolitej Polskiej im. Konstantego Kalinowskiego pod Patronatem Prezesa Rady Ministrów RP) — праграма дапамогі беларускай моладзі, створаная пры падтрымцы ўрада Польшчы ў сакавіку 2006 года. Падрыхтоўчыя гадавыя моўныя курсы ўзроўню B2 для далейшага паступлення ў польскія ВНУ (само паступленне праграма не гарантуе, паступленне адбываецца на роўных з палякамі ўмовах).
Першапачаткова была прызначаная для студэнтаў, адлічаных з беларускіх ВНУ па палітычных матывах, але з цягам часу да яе далучыліся і людзі, якія не могуць вучыцца ў Беларусі з-за сваіх палітычных поглядаў і прыхільнасці да абароны дэмакратыі і правоў чалавека. З’яўляецца найбуйнейшай праграмай такога тыпу ў Еўропе. Праграма каардынуецца ўпраўленнем праграм цэнтра ўсходнееўрапейскіх даследаванняў Варшаўскага ўніверсітэта, у супрацоўніцтве з міністэрствам замежных спраў і міністэрствам навукі і вышэйшай адукацыі Польшчы. Дырэктарам і каардынатарам праграмы, які кіруе працай офіса і працай камітэта па адбору кандыдатаў, з’яўляецца дырэктар цэнтра ўсходнееўрапейскіх даследаванняў Варшаўскага ўніверсітэта Ян Маліцкі. Праграма фінансуецца з дзяржаўнага бюджэту — у 2008 годзе міністр замежных спраў Польшчы перадаў на яе больш за 1,2 мільёна еўра.
Крытыка[правіць | правіць зыходнік]
Нярэдка студэнты, якія вучацца ў Польшчы па праграме імя Кастуся Каліноўскага, скардзяцца на затрымкі стыпендый на месяц, а то і два, што адпаведна цягне і праблемы з аплатай інтэрната[2].
Зноскі
- ↑ Умовы праграмы Архівавана 6 красавіка 2009.
- ↑ «Если одногруппник не оплатит общежитие до понедельника, его выселят». Белорусские студенты в Польше с декабря не получают стипендию. Зеркало (10 лютага 2023). Праверана 10 лютага 2023.