Судэты

Судэты
Каардынаты: 50.5, 1650°30′00″ пн. ш. 16°00′00″ у. д.50.5° пн. ш. 16° у. д.
Краіны	Чэхія, Германія, Польшча
Перыяд утварэння	палеазой
Найвышэйшая вяршыня	Снежка
Вышэйшая кропка	1602 м
Судэты на Вікісховішчы

Судэты (польск. і чэшск.: Sudety, ням.: Sudeten, чэш. Krkonošsko-jesenická subprovincie / Krkonošsko-jesenická soustava / Sudetská soustava) — горы ў Цэнтральнай Еўропе, на тэрыторыі Германіі, Польшчы і Чэхіі, працягнуліся з паўночнага захаду на паўднёвы ўсход на 310 км. Вышыня да 1602 м (Снежка ў масіве Крканошэ). На паўднёвым захадзе мяжуюць з Чэшскім масівам. Падзяляюцца на Заходнія (галоўныя хрыбты - Кашаўскія і Йізерскія горы, масіў Крканошэ), Сярэднія і Усходнія Судэты.

Прырода

Судэты ўтварыліся ў эпоху палеазою; складзеныя вулканічнымі пародамі, а таксама гнейсамі, сланцамі, гранітамі. Сустракаюцца ледавіковыя формы рэльефу (галоўным чынам, у масіве Крканошэ). Эразійныя формы рэльефу малараспаўсюджаныя. Схілы стромкія.

Клімат умераны. Узімку - устойлівае снежнае покрыва. Унізе схілы пакрытыя дубова-букавымі лясамі, вышэй - ялова-піхтавымі, якія на вышыні 1200-1300 м змяняюцца хмызнякамі і лугамі. У Судэтах бяруць пачатак рэкі Эльба, Одра, Марава.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Гл. таксама

• Судэцкая вобласць