Сцынкавыя

З Вікіпедыі, свабоднай энцыклапедыі
Сцынкавыя

Звычайны сцынк (Scincus scincus)
Навуковая класіфікацыя
Міжнародная навуковая назва

Scincidae Gray, 1825


Сістэматыка
на Віківідах

Выявы
на Вікісховішчы
ITIS  173957
NCBI  66056
EOL  8109
FW  37946

Сцы́нкавыя[1], сцынкі[1] (Scincidae) — сямейства яшчарак інфраатрада Сцынкападобныя (Scincomorpha).

Адрозніваюць больш за 90 родаў, каля 1200 відаў. Пашыраны ўсюды, акрамя Антарктыды, пераважна ў тропіках Усходняга паўшар’я, асабліва ў межах Аўстралійскай біягеаграфічнай вобласці.

Даўжыня да 65 см. Цела падоўжнае, да змеепадобнага; укрыта гладкай або рабрыстай налягаючай луской, пад якой размешчаны касцявыя пласцінкі (астэадэрмы). Хвост ломкі. У рыючых форм канечнасці часткова або канчаткова страчаны, вочы звычайна адсутнічаюць.

Вядуць наземны, рыючы і паўдрэвавы спосаб жыцця, некаторыя віды паўводныя. Кормяцца пераважна насякомымі, буйныя сцынкавыя — і пазваночнымі; некаторыя расліннаедныя.

Большасць відаў адкладваюць яйцы, ёсць яйцажывародныя і жывародныя.

Зноскі[правіць | правіць зыходнік]

Літаратура[правіць | правіць зыходнік]