Сюрстромінг

З пляцоўкі Вікіпедыя
Перайсці да: рух, знайсці
Кансерваваны сюрстромінг

Сюрстромінг (шведск.: Surströmming) — шведскі нацыянальны прадукт, які ўяўляе сабой кансерваваны квашаны селядзец.

Гатаванне[правіць | правіць зыходнік]

Селядзец ловяць у красавіку да нерасту. Галаву і вантробы выдаляюць, але ікру пакідаюць для смака. Апендыкс таксама пакідаюць, паколькі ў ім змяшчаюцца ферменты, істотна важныя для размякчэння. Селядзец на некалькі дзён кладуць у бочкі з з'едлівым тузлукам (канцэнтраваным саляным растворам), каб выдаліць кроў і тлушч. Затым рыбу перакладаюць у бочачкі з менш канцэнтраваным тузлукам, дзе яна размягчаецца і кісне яшчэ прыкладна два месяцы. У ліпені яе закрываюць у банкі і ставяць у халоднае месца. Якасць канчатковага прадукту вызначаецца канцэнтрацыяй тузлука і тэмпературай, пры якой захоўваюцца бочачкі. Рыба працягвае кіснуць нават пасля таго, як яе закрываюць у банкі.

Падчас працэсу закісання ўласныя ферменты прадукта і бактэрыі ўтвараюць прапіонавую кіслату, бутанавую кіслату і воцатную кіслату, а таксама серавадарод, што надае рыбе рэзкі непрыемны пах.[1]

Ужыванне[правіць | правіць зыходнік]

Бутэрброд са сюрстромінгам

Шведы ядуць сюрстромінг з варанай бульбай, таматамі, сырой цыбуляй або з хлябцамі з маслам. Таксама сюрстромінг можа выкарыстоўвацца для прыгатавання бутэрбродаў. Найбольш распаўсюджаныя напоі, якія ўжываюцца з сюрстромінгам: піва, шнапс, малако або шведскі аналаг кваса. Некаторыя вытанчаныя гурманы заядаюць рыбу брусніцамі і запіваюць малаком.

Цікавыя факты[правіць | правіць зыходнік]

  • 4 чэрвеня 2005 года першы ў свеце музей сюрстромінга быў адкрыты ў Шэпсмальме, што 30 км на поўнач ад Эрншэльдсвіка, горад у паўночнай часткі Высокага берага.
  • У красавіку 2006 года некаторыя буйныя авіякампаніі, такія як Air France і British Airways, забаранілі правоз кансерваванага сюрстромінга, растлумачыўшы гэта патэнцыйнай «выбуханебяспечнасцю» банак. У выніку, у Стакгольмскім аэрапорце Арланда быў спынены продаж прадукта.[2]

Зноскі

  1. McGee, Harold (2004). On Food and Cooking (Revised Edition). Scribner. ISBN 0-684-80001-2.  p 236
  2. Bevanger, Lars. Airlines ban 'foul' Swedish fish , British Broadcasting Corporation (1 April 2006). Праверана 24 верасня 2007.

Літаратура[правіць | правіць зыходнік]

Спасылкі[правіць | правіць зыходнік]