Сяргей Сяргеевіч Сідорскі
З Вікіпедыя.
Сяргей Сяргеевіч Сідорскі (нар. 13 сакавіка 1954 у Гомелі) — беларускі дзяржаўны дзеяч, з 26 снежня 2003 па сёння — старшыня Ураду Беларусі.
[правіць] Біяграфія
У 1976 скончыў электратэхнічны факультэт Беларускага інстытута інжынераў чыгуначнага транспарту. Доктар тэхнічных навук. Спецыяліст у вобласці вакуумна-плазмавых тэхналогій. Заслужаны працаўнік прамысловасці Рэспублікі Беларусь. Аўтар больш як 40 навуковых прац і манаграфій. Акадэмік Міжнароднай інжынернай акадэміі. Валодае нямецкай мовай. Жанаты. Мае двух дачок. Першая праца — электрык, электраманцёр.
- 1976 — 1992 — майстар зборачнага цэха, начальнік лабараторыі, начальнік аддзела, намеснік дырэктара, а затым дырэктар Гомельскага завода радыётэхналагічнага абсталявання.
- 1992 — 1998 — генеральны дырэктар гомельскага навукова-вытворчага аб'яднання «Ратон».
- 1998 — 2001 — намеснік старшыні, першы намеснік старшыні Гомельскага аблвыканкама.
- 2001 — 2002 — намеснік прэм'ер-міністра Рэспублікі Беларусь.
- 2002 — 2003 — першы намеснік прэм'ер-міністра Рэспублікі Беларусь, выканаўца абавязкаў прэм'ер-міністра Рэспублікі Беларусь. Курыраваў ва ўрадзе блок пытанняў, датычных развіцця прамысловасці, будаўніцтвы, транспарту і энергетыкі.
- Са снежня 2003 — прэм'ер-міністр Рэспублікі Беларусь. 8 красавіка 2006 Савет міністраў на чале з Сідорскім, паводле артыкула 106 Канстытуцыі, склаў паўнамоцтвы перад зноў абраным Прэзідэнтам Рэспублікі Беларусь. 12 красавіка А. Лукашэнка вынес на разгляд Палатай прадстаўнікоў Нацыянальнага сходу прапанову аб прызначэнні Сідорскага прэм'ер-міністрам, 17 красавіка яго кандыдатура была зацверджаная беларускім парламентам.
