Сярэдняя Арсенальная вежа

З Вікіпедыі, свабоднай энцыклапедыі
Сярэдняя Арсенальная вежа

Сярэдняя Арсенальная вежа (руск.: Средняя Арсенальная башня, раней — Гранёная) — вежа Маскоўскага Крамля, размешчаная на паўночна-заходнім боку Крамлёўскай сцяны, якая працягнулася ўздоўж Аляксандраўскага саду. Вежа пабудавана ў 1493—1495 гадах на месцы вуглавой вежы часоў Дзмітрыя Данскога[1]. У XV—XVI стст. каля вежы на рацэ Нягліннай стаялі плаціны. У 1680-х гадах яна атрымала завяршэнне — адкрыты чацвярык з чатырохгранным шатром, завершаны скразной назіральнай вышкай таксама з шатром[1].

Сваю цяперашнюю назву вежа атрымала пры ўзвядзенні будынка Арсенала ў пачатку XVIII стагоддзя. Раней яна называлася Гранёнай — ад расчлянёнага на грані фасада. У 1821 годзе пры разбіўцы Аляксандраўскага саду ля падножжа вежы па праекце В. І. Бавэ быў збудаваны забаўляльны грот[1].

Крыніцы[правіць | правіць зыходнік]

  1. ↑ а б в Памятники архитектуры 1983, с. 312.

Літаратура[правіць | правіць зыходнік]

  • Либсон В. Я., Домшлак М. И., Аренкова Ю. И. и др. Кремль. Китай-город. Центральные площади // Памятники архитектуры Москвы. — М.: Искусство, 1983. — С. 308. — 504 с. — 25 000 экз. (руск.)

Спасылкі[правіць | правіць зыходнік]

Узята з "https://be.wikipedia.org/w/index.php?title=Сярэдняя_Арсенальная_вежа&oldid=4717027"