Сікім

Сікім
непальск. सिक्किम, англ.: Sikkim

Герб	Сцяг
Краіна	Індыя
Насельніцтва (2001)	540 493 (28-е месца)
Шчыльнасць	76,17 чал./км²
Плошча	7 096 км²
Шырата	27,2° СШ
Даўгата	88,4° ВД
Код ISO 3166-2	IN-SK
Афіцыйны сайт
Сікім на Вікісховішчы

Сікім (англ.: Sikkim), штат на паўночным усходзе Індыі ў прадгор'ях Гімалаяў, гранічыць з КНР, Бутанам і Непалам, а таксама са штатам Заходняя Бенгалія. Займае 27-е месца сярод штатаў па плошчы (7 096 км²) і 28-е па насельніцтву (0,5 млн. чалавек, 2001). Адміністрацыйны цэнтр — Гангток.

Геаграфія

Большая частка тэрыторыі пакрытая халмамі і гарамі і непрыдатная для сельскай гаспадаркі, частка схілаў выкарыстоўваецца для тэраснага земляробства. Каля адной трэці плошчы штата пакрыта лясамі. Сіккім — адзін з нямногіх штатаў Індыі, дзе рэгулярна ідуць дажджы.

Эканоміка

Эканоміка штата пераважна аграрная, заснаваная на традыцыйных метадах земляробства. Па прычыне горнага рэльефа і неразвітой інфраструктуры ў штаце няма буйной прамысловасці. Вядзецца здабыча карысных выкапняў. Хутка развіваюцца турызм і іншыя галіны сферы паслуг (у т.л. азартныя гульні).

Насельніцтва

Большасць жыхароў Сікіма — патомкі непальцаў, якія перасяліліся сюды ў 18-19 стст., яны гавораць на непальскай мове індаеўрапейскай моўнай сям'і. Карэннае насельніцтва Сікіма — бхутыя, што перасяліліся сюды з Тыбета ў 14 ст., і лепча, якія жылі на гэтай тэрыторыі з дагістарычных часоў, — гавораць на мовах сіна-тыбецкай сям'і.

60% насельніцтва вызнае індуізм, 30% — будызм, 7% — хрысціянства.

У Сеціве

• Урад штата