Сіранавыя

Сіранавыя
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Земнаводныя Атрад:  Хвастатыя земнаводныя Падпарадак:  Sirenoidea Сямейства:  Сіранавыя
Міжнародная навуковая назва
Sirenidae J.E.Gray, 1825
Сістэматыка на Віківідах Выявы на Вікісховішчы ITIS   173733 NCBI   8339 EOL   7528 FW   37412

Сі́ранавыя, сіраны (Sirenidae) — сямейства хвастатых земнаводных.

Адрозніваецца 2 роды, 3—4 віды, у т.л. сіран вялікі (Siren lacertina), сіран карлікавы (Siren intermedia), сіран паласаты гразевы (Pseudobranchus striatus). Пашыраны ў паўднёва-ўсходняй частцы Паўночнай Амерыкі. Жывуць у азёрах, балотах, зарослых вадаёмах.

Даўжыня 15—90 см. Цела доўгае, валлекаватае, з веслападобным хвастом. Маюць толькі пярэднія недаразвітыя канечнасці з 4 або 3 пальцамі. Дыхаюць вонкавымі перыстымі жабрамі і лёгкімі. Вугрападобнымі рухамі яны могуць усвідроўвацца ў глей або ў вільготны грунт.

Сіранавым уласціва неатэнія. Кормяцца дробнымі рыбамі, беспазваночнымі і земнаводнымі.

Літаратура

• Земнаводныя. Паўзуны: Энцыкл. даведнік. — Мн.: БелЭн, 1996. — ISBN 985-11-0067-6
• Сіранавыя // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 413. — 10 000 экз. — ISBN 985-11-0035-8. — ISBN 985-11-0238-5 (т. 14).