Талуол

Талуол (метылбензол) — араматычны вуглевадарод, бескаляровая вадкасць з характэрным пахам.

Талуол атрыманы ўпершыню П. Пельцье ў 1835 годзе пры перагонцы хваёвай смалы. У 1838 выдзелены А. Дэвілем з бальзаму, прывезенага з горада Толу ў Калумбіі, у гонар якога атрымаў сваю назву.

Агульная характарыстыка

Бескаляровая рухомая лятучая вадкасць з рэзкім пахам, праяўляе слабае наркатычнае дзеянне. Змешваецца ў неабмежаваных межах з вуглевадародамі, шматлікімі спіртамі і эфірамі, не змешваецца з вадой. Паказчык праламлення святла 1,4969 пры 20 ° C. Гаручы, згарае дымных полымем.

Гл.таксама

• Талуідзіны

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).