Талуідзіны

Талуідзі́ны, амінаталуолы, метыланіліны, таліламіны — араматычныя арганічныя злучэнні, амінавытворныя талуолу.

Вадкасці або цвёрдыя рэчывы, добра раствараюцца ў этаноле, дыэтылавым эфіры, ацэтоне, хлараформе, дрэнна — у вадзе.

Атрыманне

• Гідраванне адпаведных нітраталуолаў

${\mathsf {CH_{3}{\text{-}}C_{6}H_{4}{\text{-}}NO_{2}\ {\xrightarrow {H_{2}}}\ CH_{3}{\text{-}}C_{6}H_{4}{\text{-}}NH_{2}}}$

Выкарыстанне

Талуідзіны і іх вытворныя выкарыстоўваюцца ў вытворчасці амінаталуолсульфонавых кіслот, крэзолаў, азотафарбавальнікаў трыарылметанавых і сярністых фарбавальнікаў; n-талуідзін — у якасці інгібітараў карозіі.

Літаратура

• Міляшкевіч Я. Г. Талуідзі́ны, амінаталуолы, метыланіліны // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 408. — 10 000 экз. — ISBN 985-11-0035-8. — ISBN 985-11-0251-2 (т. 15).