Тамара Васілеўна Лазаковіч

Тамара Лазаковіч
Алімпійскія гульні ў Мюнхене (1972). Пераможцы ў шматбор'е. Карын Янц (ГДР) 2-е месца. У цэнтры — Людміла Турышчава (СССР) 1-е месца. Тамара Лазаковіч (СССР), 3-е месца.
Асабістая інфармацыя
Поўнае імя:	Тамара Васільеўна Лазаковіч
Грамадзянства:	Беларусь
Дата нараджэння:	11 сакавіка 1954(1954-03-11)
Месца нараджэння:	с. Гусева, Калінінградская вобласць, РСФСР, СССР
Дата смерці:	1 лістапада 1992(1992-11-01) (38 гадоў)
Месца смерці:	Віцебск, Беларусь
Узнагароды і медалі Алімпійскія ўзнагароды Спартыўная гімнастыка (жанчыны) Золата Мюнхен 1972 Каманднае першынство Серабро Мюнхен 1972 Бервяно Бронза Мюнхен 1972 Абсалютнае першынство Бронза Мюнхен 1972 Вольныя практыкаванні

Тамара Васілеўна Лазаковіч (11 сакавіка 1954, с. Гусева, Калінінградская вобласць, РСФСР, СССР - 1 лістапада 1992, Віцебск, Беларусь) — беларуская гімнастка. Заслужаны майстар спорту СССР (1972), неаднаразовая чэмпіёнка СССР, Еўропы і свету па спартыўнай гімнастыцы, чэмпіёнка XX Алімпійскіх гульняў у Мюнхене 1972 года.

Самым буйным спартовым дасягненнем Лазаковіч стала яе перамога на XX Алімпійскіх гульняў у Мюнхене 1972 года, дзе яна стала чэмпіёнкай у камандным заліку і заваявала сярэбраны медаль у практыкаваннях на бервяне і бронзавыя - у мнагабор'і і вольных практыкаваннях. Чэмпіёнка СССР 1970 года, залаты прызёр чэмпіянатаў СССР 1971 і 1972 гг.

Самым удалым стаў для Тамары 1971, калі яна выйграла 3 залатыя медалі чэмпіянату Еўропы, стала чэмпіёнкай свету ў камандным першынстве, абсалютнай чэмпіёнкай Еўропы, абсалютнай пераможцай Спартакіяды народаў СССР і Чэмпіянату СССР. На Чэмпіянаце Еўропы 1972 г, які праводзіўся ў Менску, Лазаковіч падзяліла тытул чэмпіёнкі з Людмілай Турышчава.Лазаковіч скончыла Віцебскі фізкультурны тэхнікум, аднак не захацела паехаць на вучобу ў Мінск або Маскву, бо не магла пакінуць без дапамогі састарэлага бацьку-інваліда. З сярэдзіны 1970-х і да 1990-х гг. Лазаковіч была на трэнерскай працы, працавала трэнерам у ДЮСШ-1 г. Віцебска і дзяржаўным трэнерам Спорткамітэта СССР па Віцебскай вобласці.

Літаратура

• Беларуская энцыклапедыя: У 18 т. Т.9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — Т. 9. — 560 с. — 10 000 экз. — ISBN 985-11-0155-9 (т.9)