Таццяна Мікітаўна Талстая

Таццяна Мікітаўна Талстая
руск.: Татьяна Никитична Толстая
Асабістыя звесткі
Дата нараджэння	3 мая 1951(1951-05-03)[…] (72 гады)
Месца нараджэння	Ленінград, РСФСР, СССР
Грамадзянства	СССР  Расія
Бацька	Мікіта Аляксеевіч Талстой[d]
Маці	Nataliya Mikhailovna Lozinskaya[d]
Муж	Andrey Lebedev[d]
Дзеці	Арцемій Лебедзеў
Альма-матар	ЛДУ (1974)
Месца працы	Прынстанскі ўніверсітэт
Прафесійная дзейнасць
Род дзейнасці	пісьменніца, эсэістка, літаратурная крытык, журналістка, тэлевядучая, публіцыстка, вядучая, педагог, філолаг
Гады творчасці	з 1983
Жанр	проза, апавяданне, раман, эсэ і нарыс
Мова твораў	руская
Прэміі	прэмія Грынцанэ Кавур[d] Трыумф[d]
Узнагароды	ТЭФІ[d] Q60974869?
tanyant.livejournal.com
Медыяфайлы на Вікісховішчы

Таццяна Мікітаўна Талстая (3 мая 1951, Ленінград, РСФСР, СССР) — расійская пісьменніца, публіцыст і тэлевядучая.

Біяграфічныя звесткі

Унучка А. М. Талстога, М. Л. Лазінскага. Скончыла Ленінградскі ўніверсітэт.

Друкуецца з 1983. У апавяданнях (зборнікі «На залатым ганку сядзелі...», 1987; «Кахаеш, не кахаеш», 1997), адметных назіральнасцю і вытанчанасцю стылю, — душэўная смута сучаснага чалавека, які перажывае разлад з рэчаіснасцю, страту маральных арыенціраў. Найбольш вядомы фантастычны раман пісьменніцы — «Кысь» (2000), які атрымаў прэмію «Трыумф»; у ім спалучэнне «чорнага» гумару з тонкай іроніяй і сатырай. Аўтар кніг эсэ, нарысаў, артыкулаў «Сёстры» (1998), «Двое» (2001, абедзве разам з сястрой Н.Талстой) і інш.

Творы Таццяны Талстой, у тым ліку зборнікі апавяданняў «Кахаеш, не кахаеш», «Рака Акервіль», «Дзень», «Ноч», «Разынкі», «Кола», «Белыя сцены», перакладзены на шматлікія мовы свету.

Шырокая папулярнасць прыйшла да пісьменніцы ў 2002 годзе, калі яна стала сувядучыя тэлевізійнай праграмы «Школа зласлоўя». У 2011 годзе ўвайшла ў рэйтынг «Сто самых уплывовых жанчын Расіі», складзены радыёстанцыяй «Эхо Москвы», інфармацыйнымі агенцтвамі РІА Навіны, «Інтэрфакс» і часопісам «Огонёк».

Сын — Арцемій Лебедзеў.

Літаратура

• Спрынчан А. В. Талста́я Таццяна Мікітаўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 406. — 10 000 экз. — ISBN 985-11-0035-8. — ISBN 985-11-0251-2 (т. 15).