Тоўстагалоўкі

? Тоўстагалоўкі
Навуковая класіфікацыя
Царства:	Жывёлы
Тып:	Членістаногія
Клас:	Насякомыя
Атрад:	Матылі
Навуковая назва
Hesperiidae Latreille, 1809
Сістэматыка на ВікіВідах Выявы ў ВікіСховішчы

Тоўстагалоўкі (Hesperiidae) — матылькі, якія адносяцца да сямейства Hesperiidae, якія хоць і належаць да групы дзённых матылькоў (Rhopalocera), але рэзка адрозніваюцца ад іншых дзённых матылькоў. Больш за 4100 відаў. Пашыраны на ўсіх кантынентах. На Беларусі 11 відаў.

Апісанне

Размах крылаў да 7 см. Галава (адсюль назва) і тулава тоўстыя. Паміж булавападобнымі вусікамы валасяны чубок. На пярэдніх крылах усе 5 радыяльных жылак адыходзяць ад пасярэдняй ячэйкі. Матылі сілкуюцца нектарам кветак. Вусені патоўшчаныя, часам верацёнападобныя; жывуць паміж сплеценага лісця або адкрыта; сілкуюцца лісцем травяністых раслін (пераважна ружавакветных і злакавых).

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).