Трынідад і Табага

Рэспубліка Трынідад і Табага
Republic of Trinidad and Tobago

Сцяг Трынідада і Табага Герб Трынідада і Табага 10.6, -61.15
Дэвіз: «Together we aspire, together we achieve (Разам імкнёмся - разам дасягнём)»
Гімн: «Forged From The Love of Liberty»
Дата незалежнасці	31 жніўня 1962 (ад Вялікабрытаніі)
Афіцыйная мова	англійская
Сталіца	Порт-оф-Спейн
Найбуйнейшыя гарады	Чагуанас Сан-Фернанда Сан-Хуан Порт-оф-Спейн
Форма кіравання	Парламенцкая рэспубліка
Прэзідэнт Прэм'ер-міністр	Энтані Кармона Камла Персад-Бісесар
Плошча • Усяго • % воднай паверхні	171-я ў свеце 5 131 км² малаважны
Насельніцтва • Ацэнка (2011) • Шчыльнасць	1 346 350 чал. 254.4 чал./км²
ВУП   • Разам (2008)   • На душу насельніцтва	$25,925 млрд.  (90-ы) $19,869
Валюта	Долар Трынідада і Табага (код TTD)
Інтэрнэт-дамен	.tt
Тэлефонны код	+1-868
Часавы пояс	-4

Рэспу́бліка Трыніда́д і Таба́га (англ.: Republic of Trinidad and Tobago) — краіна на поўдні Карыбскага мора. Астраўная дзяржава складаецца з дзвюх асноўных астравоў, Востраў Трынідад і Востраў Табага, і 21 меншага. Сталіца — горад Порт-Оф-Спейн.

Прырода

Востраў Трынідад пераважна раўнінны (плошча 4,8 тыс. км²). Ёсць 3 невысокія горныя ланцугі (вышынёй 940 метраў). На востраве Табага (плошча 0,3 тыс. км²) горы (вышынёй да 579 метраў) і вапняковае плато. На востраве Трынідад радовішчы нафты (на сушы і на шэльфе), асфальту (возера Піч-Лейк), прыроднага газу. Клімат субэкватарыяльны, гарачы, вільготны. Сярэднемесячныя тэмпературы 25-27 °С. Ападкаў за год ад 1200 на Захадзе да 3800 мм на Усходзе. Бываюць разбуральныя трапічныя ўраганы. Трапічныя лясы (трынідадскі цік, карыбская хвоя, махагоніевае дрэва, чырвоны сандал, бальса) займаюць 46% тэрыторыі. Фауна мае падабенства з фаунай Паўднёвай Амерыкі. Трапляецца пекары, ацэлот, апосум, агуці, малпа-капуцын, кажаны, чарапахі. Ёсць рэзерваты і марскі запаведнік.

Насельніцтва

Жывуць негры (39,5%), індыйцы (40,3% нашчадкі закантрактаваных рабочых), мулаты (18,4%), еўрапейцы, кітайцы. Сярод вернікаў хрысціяне (62%, пераважна каталікі і англікане), індуісты (25%), мусульмане (6%). Гарадское насельніцтва 73%. Другі па велічыні горад краіны Сан-Фернанда, астатнія гарады невялікія.

Гісторыя

На час адкрыцця ў 1498 годзе Хрыстафорам Калумбам востраў Трынідад быў населены індзейцамі-аравакамі, востраў Табага — карыбамі. У 1532-1797 востраў Трынідад быў іспанскай калоніяй, у 1797 годзе захоплены Вялікабрытаніяй (афіцыйна замацаваны за ёй у 1802 г.). За валоданне востравам Табага спрачаліся розныя еўрапейскія дзяржавы (у 1652-58 — уладанне Курляндскага герцагства, васала ВКЛ), у 1763 захоплены Вялікабрытаній (замацаваны за ёй у 1814). У 1889 годзе абодва востравы аб'яднаны ў адзіную калонію. У 1834 годзе пачалася эміграцыя рабочых з Індыі і Кітая. У 1958-62 гг. Трынідад і Табага — Вест-Індскай федэрацыі. 31 жніўня 1962 годзе Трынідад і Табага абвясціў незалежнасць у складзе Садружнасці. 1 жніўня 1978 г. абвешчана рэспубліка.

Гл. таксама

• Астравы Трынідада і Табага
• Брытанская каланізацыя Амерыкі
• Іспанская каланізацыя Амерыкі
• Курляндская каланізацыя Амерыкі
• Спіс астраўных дзяржаў

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

• На ВікіСховішчы ёсць медыяфайлы па тэме Трынідад і Табага
• Афіцыйны сайт Урады Трынідада і Табага
• Афіцыйны сайт Парламента Трынідада і Табага
• Трынідад і Табага ў «Сусветнай кнізе фактаў ЦРУ»