Уладзімір Уладзіміравіч Клубовіч

Уладзімір Уладзіміравіч Клубовіч
Уладзімір Уладзіміравіч Клубовіч
Дата нараджэння	6 сакавіка 1933 (91 год)
Месца нараджэння	Варонічы, Беларусь;
Грамадзянства	СССР; Беларусь;
Навуковая сфера	тэхналогія апрацоўкі металаў[d]
Месца працы	Фізіка-тэхнічны інстытут НАН Беларусі; Інстытут тэхнічнай акустыкі НАН Беларусі;
Навуковая ступень	доктар тэхнічных навук (1973) і доктар тэхнічных навук
Навуковае званне	прафесар; Спіс акадэмікаў НАН Беларусі;
Альма-матар	БДУ (1956);
Прэміі
Узнагароды	;
	Медыяфайлы на Вікісховішчы

Уладзімір Уладзіміравіч Клубовіч (нар. 6 сакавіка 1933, вёска Варонічы, Зэльвенскі раён, Гродзенская вобласць) — беларускі вучоны ў галіне тэхналогіі апрацоўкі металаў. Акадэмік Нацыянальнай акадэміі навук Беларусі (1996; член-карэспандэнт З 1977), доктар тэхнічных навук (1973), прафесар (1979). Заслужаны дзеяч навукі Рэспублікі Беларусь (2010).

Біяграфія[правіць | правіць зыходнік]

Скончыў БДУ (1956). У 1957—1975 гг. навуковы супрацоўнік, у 1975 г. загадчык лабараторыі Фізіка-тэхнічнага інстытута АН БССР, з 1975 г. дырэктар Віцебскага аддзялення Інстытута фізікі цвёрдага цела і паўправаднікоў АН БССР, у 1994—2002 гг. дырэктар Інстытута тэхнічнай акустыкі НАН Беларусі. З 2002 г. галоўны навуковы супрацоўнік гэтага інстытута.

Навуковая дзейнасць[правіць | правіць зыходнік]

Даследаванні па пластычнасці і апрацоўцы металаў пры ўздзеянні на іх ультрагукавых ваганняў. Распрацаваў замкнёныя вагальныя сістэмы для апрацоўкі металаў і сплаваў з накладаннем падоўжных ультрагукавых ваганняў, даследаваў заканамернасці і асаблівасці пластычнага цячэння металу ва ўмовах сумеснага статычнага і дынамічнага нагружэння. Распрацаваў працэс атрымання каразійна-ўстойлівага кампазіцыйнага дроту з накладаннем ультрагукавых ваганняў. Стварыў навуковыя асновы выкарыстання ультрагуку для кіравання працэсамі самараспаўсюднага высокатэмпературнага сінтэзу, іонна-плазменнага напылення, уздзеяння ультрагуку на сплавы з памяццю формы, прымянення ультрагуку ў медыцыне і біятэхналогіі.

Сярод апублікаванага:

Кристаллизация единая и многоликая / Н. К. Толочко; [редактор В. В. Клубович] — Минск : Навука і тэхніка, 1990. — 86, [1] с. : ил. ; 20 см. — 1750 экз. — ISBN 5-343-00604-3;
Методы выращивания кристаллов из растворов / В. В. Клубович, Н. К. Толочко ; Академия наук Белорусской ССР, Витебское отделение Института физики твердого тела и полупроводников — Минск : Навука і тэхніка, 1991. — 295, [1] с. : ил. ; 22 см. — ISBN 5-343-00706-6;
Вторичное зародышеобразование в растворах / В. В. Клубович, Н. К. Толочко ; Академия наук Беларуси, Витебское отделение Института физики твердого тела и полупроводников — Минск : Навука и тэхніка, 1992. — 158, [2] с. : ил., табл. ; 20 см. — ISBN 5-343-00944-1.

Узнагароды[правіць | правіць зыходнік]

Дзяржаўная прэмія БССР 1984 за цыкл работ «Распрацоўка навуковых асноў выкарыстання магутнага ультрагуку ў тэхналагічных працэсах апрацоўкі матэрыялаў».

Спасылкі[правіць | правіць зыходнік]

На Вікісховішчы ёсць медыяфайлы па тэме Уладзімір Уладзіміравіч Клубовіч
Уладзімір Уладзіміравіч Клубовіч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)