Усходне-Ціхаакіянскае падняцце

З Вікіпедыі, свабоднай энцыклапедыі
Усходне-Ціхаакіянскае падняцце

Усходне-Ціхаакіянскае падняцце — падводны сярэдзінна-акіянічны хрыбет у Ціхім акіяне. Актыўная сейсмічная зона. Называецца падняццем (а не хрыбтом) з-за вялікай шырыні і працягласці схілу. Мае выгляд шырокага вала з вузкай прыпаднятай грэбневай зонай. Даўжыня ўзняцця каля 7600 км, шырыня 850 км. Найвышэйшы пункт востраў Пасхі — 539 метраў над узроўнем акіяна. Глыбіні ля падножжа падняцця 3500 — 4000 метраў. Мінімальная глыбіня над грэбнем — 732 метра.

Адрозніваецца слабавыяўленымі рыфтавымі далінамі пры ўдзеле ў фарміраванні рэльефу зон папярочных разломаў. У адрозненне ад іншых сярэдзінна-акіянічных хрыбтоў, зрушаны да ўсходняй ускраіны акіяна.

Уздоўж Усходне-Ціхаакіянскага падняцця маюцца гідратэрмальныя крыніцы і чорныя курцы.

Літаратура[правіць | правіць зыходнік]