Уільям Пентан Сірс
| Уільям Пентан Сірс | |
|---|---|
| Дата нараджэння | 9 снежня 1939[1] (84 гады) |
| Месца нараджэння | |
| Грамадзянства | |
| Дзеці | Robert Sears[d] |
| Род дзейнасці | урач |
| Месца працы | |
| Сайт | askdrsears.com |
Уільям Пентан Сірс (англ.: William Penton Sears, нар. 9 снежня 1939) — амерыканскі педыятр, аўтар і сааўтар больш чым 30 кніг для бацькоў, прысвечаных цяжарнасці, нараджэнню і развіццю дзяцей, часты госць тэлевізійных шоу, у якіх удзельнічае як «Доктар Біл». Са сваёй жонкай Мартай Сірс, дзіцячай медсястрой, з’яўляецца адным з вядучых прапагандыстаў філасофіі натуральнага бацькоўства.
Біяграфія[правіць | правіць зыходнік]
Уільям Сірс нарадзіўся ў Алтане (штат Ілінойс) у сям’і інжынера Уіларда Сірса і яго жонкі Люсіль[2]. Бацька пакінуў сям’ю і дзед стаў мужчынам, якія аказваў найбольшы ўплыў на Уільяма.
Сірс праходзіў рэзідэнтуру ў дзіцячых бальніцах Бостана і Таронта. Ён з’яўляецца ад’юнкт-прафесарам педыятрыі Медыцынскай школы Каліфарнійскага універсітэта ў Ірвайн[3].
Уільям Сірс — кансультант часопісаў BabyTalk і Parenting, педыятр на сайце Parenting.com. Акрамя таго, ён прыняў удзел больш чым у 100 тэлевізійных шоу, у тым ліку 20/20, Шоў Філа Донах’ю, Добрай раніцы, Амерыка, Шоу Опры Уінфры і інш.
Уільям і Марта Сірсы выхавалі восем дзяцей, адзін з якіх, Стэфан, з сіндромам Дауна. Трое дзяцей, Джым, Боб (старэйшыя) і Піцер таксама сталі ўрачамі. Чацвёрты сын, Мэцью, вывучае медыцыну ў Каліфарнійскім універсітэце ў Ірвайн.
Па стане на 2009 год Сірс жыве са сваёй сям’ёй у Сан-Клементэ, Каліфорнія, і займаецца прыватнай медыцынскай практыкай (англ.: Sears Family Pediatrics) у Капістрана-Біч (англ.: Capistrano Beach), Каліфорнія, з яго сынамі.
Некаторыя працы[правіць | правіць зыходнік]
- The Baby Book (1993)
- The Discipline Book (1995)
- SIDS: A Parent’s Guide to Understanding and Preventing Sudden Infant Death Syndrome (1996)
- The Attachment Parenting Book (2001)
- The Successful Child: What Parents Can Do to Help Kids Turn Out Well (2002)
- The Healthiest Kid In The Neighborhood (2006)
- The Pregnancy Book
- The Birth Book
- Parenting the Fussy Baby
- The A.D.D. Book
- The Breastfeeding Book
- The Family Nutrition Book
Зноскі
Спасылкі[правіць | правіць зыходнік]
| ||||
