ФК Суонсі Сіці
| Суонсі Сіці | ||||
|---|---|---|---|---|
| Поўная назва | Swansea City Association Football Club | |||
| Мянушкі | лебядзі | |||
| Заснаваны | 1912 | |||
| Горад | Суонсі | |||
| Стадыён |
Ліберці Стэдыум Умяшчальнасць: 21 088 |
|||
| Уладальнік | Джэйсан Леўен[d] | |||
| Прэзідэнт | Джуліян Уінтэр[d] | |||
| Галоўны трэнер | ||||
| Чэмпіянат | Чэмпіёншып | |||
| 2021/22 | 15 месца | |||
| Сайт | swanseacity.com (англ.) | |||
| ||||
«Суонсі Сіці» (вал.: Clwb Pêl-droed Dinas Abertawe, англ.: Swansea City) — валійскі прафесійны футбольны клуб з горада Суонсі ва Уэльсе. Утвораны ў 1912 годзе, да Футбольнай лігі далучаны ў 1920 годзе, і з тых часоў з’яўляецца яе нязменным удзельнікам. На сённяшні час выступае ў Чэмпіёншыпе, другім па значнасці футбольным турніры Англіі. 10-разовы пераможца Кубка Уэльса. Паўфіналіст Кубка Англіі ў 1926 і 1964 гадах. Клуб браў удзел у старым першым дывізіёне футбольнай лігі ў 1981—1983 гадах; у свой першы сезон фінішаваў на 6-м месцы. З 2005 года хатнія матчы праводзіць на стадыёне «Ліберці Стэдыум», які дзеліць з рэгбійным клубам Оспрэйс рэгбі-юніён. Да 2005 года хатняй арэнай клуба быў стадыён «Ветч Філд».
Колерамі клуба ёсць сіне-чорна-белыя. «Суонсі» і яго заўзятары неафіцыйна вядомыя як «Джэкс». Адно з тлумачэнняў гэтай мянушкі складаецца ў тым, што на працягу XVII стагоддзя маракоў з Суонсі паважалі і любы марак з Суонсі мог далучыцца да каманды, грунтуючыся проста на рэпутацыі горада добрых маракоў. Іншыя, аднак, мяркуюць, што каманду празвалі ў гонар знакамітай выратавальнай сабакі Суонсі Джэк.
У 2011 годзе ў матчы плэй-оф за права выхаду ў Прэм’ер-лігу «Суонсі» абыграў «Рэдынг» з лікам 4:2. У элітным англійскі дывізіёне клуб выступаў да 2018 года.
Гісторыя[правіць | правіць зыходнік]
Раннія гады[правіць | правіць зыходнік]
Тэрыторыя вакол Суонсі традыцыйна лічылася вобласцю рэгбі, і, нягледзячы на папярэднія спробы футбольнага клуба «Суонсі Віла», не было ніякіх прыкметных футбольных клубаў да стварэння клуба «Суонсі Сіці» ўлетку 1912 года. Іааны, прытрымліваючыся прыкладу многіх іншых клубаў Паўднёвага Уэльса, далучыліся да другога дывізіёна Паўднёвай Лігі на наступны сезон. Дж. Торп з'яўляўся першым старшынёй клуба. Свой першы прафесійны матч клуб правёў 7 верасня 1912 года супраць іншага валійскага клуба — «Кардыф Сіці». Гульня скончылася ўнічыю з лікам 1:1. На працягу гэтага першага сезону клуб дамогся перамогі ў Кубку Уэльса, а на наступны сезоне клуб дасягнуў першага раўнда Кубка Англіі. «Блэкберн Роверс» стаў першым супернікам футбалістаў з Суонсі, які прыехаў на «Ветч Філд» у гульні на Кубак Англіі сезону 1914/15. На той момант «Блэкберн Роверс» быў чэмпіёнам Англіі, але гэта не стала перашкодай на шляху клуба, які атрымаў перамогу з лікам 1:0. Адзіны мяч у браму гасцявой камангды правёў Бена Бейнон[1]. У наступным раўндзе клуб сустракаўся з іншым прадстаўніком Футбольнай лігі — «Тотэнхэм Хотспурам», з якім згуляў спачатку ўнічыю, але ў другім матчы атрымаў паражэнне.
Пасля Першай сусветнай вайны кіраўніцтва Паўднёвай лігі адмовілася ад правядзення другога дывізіёна, і многія клубамі былі скасаваны з-за фінансавых цяжкасцей, але «Суонсі Таўн» апынуўся ў першым дывізіёне. Усяго праз чатыры сезоны ў Паўднёвай лізе, клуб стаў адным з заснавальнікам новага Трэцяга дывізіёна Футбольнай лігі ў 1920 годзе.
Зноскі
- ↑ Jenkins, John M.; et al. (1991). Who’s Who of Welsh International Rugby Players. Wrexham: Bridge Books. p. 20. ISBN 978-1-872424-10-1.
Спасылкі[правіць | правіць зыходнік]
На Вікісховішчы ёсць медыяфайлы па тэме ФК Суонсі Сіці- Афіцыйны сайт «Суонсі Сіці» (англ.)
| Фота, відэа і аўдыё | |
|---|---|
| Тэматычныя сайты | |
| Слоўнікі і энцыклапедыі |
