Фандака дэі Туркі

Славутасць
Фандака дэі Туркі
вен.: Fontego dei Turchi
45°26′31″ пн. ш. 12°19′43″ у. д.
Краіна	Італія
Месцазнаходжанне	Венецыя
Архітэктурны стыль	венецыянская готыка[d]
Медыяфайлы на Вікісховішчы

Фандака дэі Туркі (італ.: Fondaco dei Turchi) — палац у Венецыі, размешчаны на Гранд-канале. Былы турэцкі падворак.

Будынак з крытымі галерэямі пабудаваны ў XIII стагоддзі ў венета-візантыйскім стылі. Палац быў пабудаваны ў перайманне найбольш раскошным сярэдневізантыйскім будынкам Канстанцінопаля, і ў сваю чаргу з'явіўся прататыпам для шматлікіх венецыянскіх палацаў.

Фандака дэі Туркі да рэстаўрацыі ў 1870 годзе

Фандака дэі Туркі

Фандака дэі Туркі пасля рэстаўрацыі

Назва звязана з турэцкімі купцамі, якім будынак даваўся ў наём ў якасці склада і жылля.

Першапачаткова палац быў у валоданні горада і менавіта тут прымалі Найяснейшага імператара Візантыі, а таксама шматлікіх іншых знакамітых гасцей Венецыі. Пасля таго, як палацам доўгі час валодалі розныя багатыя сям'і Венецыі, з 1621 да 1838 ён стаў уласнасцю турэцкай абшчыны.

Будынак быў цалкам адрэстаўраваны ў XIX стагоддзі, і цяпер у ім знаходзіцца Музей натуральнай гісторыі.

Гл. таксама

• Спіс палацаў Венецыі

Літаратура

• Marcello Brusegan. La grande guida dei monumenti di Venezia. Roma, Newton & Compton, 2005. ISBN 88-541-0475-2.
• Guida d'Italia – Venezia. 3^a ed. Milano, Touring Editore, 2007. ISBN 978-88-365-4347-2.

Спасылкі

• На Вікісховішчы ёсць медыяфайлы па тэме Фандака дэі Туркі