Фрэдэрык Содзі

Фрэдэрык Содзі
англ.: Frederick Soddy
200px Фрэдэрык Содзі ў 1922 годзе
Дата нараджэння:	2 верасня 1877(1877-09-02)
Месца нараджэння:	Істбарн, Англія
Дата смерці:	22 верасня 1956(1956-09-22) (79 гадоў)
Месца смерці:	Брайтан, Англія
Краіна:	Вялікабрытанія
Навуковая сфера:	радыяхімія
Навуковы кіраўнік:	Эрнэст Рэзерфорд
Узнагароды і прэміі	Нобелеўская прэмія па хіміі (1921)

Фрэдэрык Содзі (анг. Frederick Soddy; 2 верасня 1877, Істборн, Вялікабрытанія — 22 верасня 1956, Брайтан) — англійскі радыяхімік, член Лонданскага каралеўскага таварыства (1910), лаўрэат Нобелеўскай прэміі па хіміі (1921).

Скончыў Оксфардскі ўніверсітэт (1896). У 1900—02 ва ўніверсітэце Мак-Гіла (г. Манрэаль). 3 1904 ва ўніверсітэце г. Глазга, з 1914 прафесар Абердзінскага, у 1919—36 Оксфардскага ўніверсітэтаў.

Навуковыя працы па даследаванні радыеактыўнасці. Распрацаваў разам з Э. Рэзерфордам асновы тэорыі радыеактыўнага распаду (1903). Даказаў утварэнне гелію пры радыеактыўным распадзе радыю і радону (разам з У. Рамзаем; 1903). Увёў паняцце аб ізатопах, сфармуляваў правіла зрушэння, якое дазваляе прадказаць месца ў перыядычнай сістэме элемента — прадукту радыеактыўнага распаду (1913; адначасова з К. Фаянсам). Адкрыў пратактыній (1917; разам з Дж. Кранстанам, незалежна ад О. Гана і Я. Майтнер).

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мінск: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

• Інфармацыя з сайта Нобелеўскага камітэта (англ.) 
• Профіль Фрыдэрыка Содзі на афіцыйным сайце РАН