Фёдар Іванавіч Сухавіла

Фёдар Іванавіч Сухавіла
Дата нараджэння	7 студзеня 1917(1917-01-07)
Месца нараджэння	Крывічы, Зябкаўскі сельсавет, Беларусь
Дата смерці	1 сакавіка 1994(1994-03-01) (77 гадоў)
Месца пахавання	Крывічы
Грамадзянства	Расійская імперыя  Польская Рэспубліка  СССР  Беларусь
Род дзейнасці	мастак
Жанр	маляваныя дываны
Мастацкі кірунак	прымітывізм
Вядомыя працы	«Відок з лебядзямі» «Пейзаж з касцёлам» «Ваза з букетам» «Букет у вазе»
Уплыў	Язэп Драздовіч

Фёдар Іванавіч Сухавіла (7 студзеня 1917, в. Крывічы, цяпер Глыбоцкі раён — 1 сакавіка 1994) — беларускі самабытны мастак, майстар маляваных дываноў.

Біяграфія

З дзяцінства знаходзіўся ў гушчы народнага творчага працэсу. У школьныя гады шмат маляваў, яму пашчасціла назіраць за творчай дзейнасцю Язэпа Драздовіча ў станковым жывапісу і роспісу дываноў, і гэта спрыяла выбару будучага рамяства.

За ўвесь перыяд творчай дзейнасці, які неаднаразова перарываўся на доўгія гады, стварыў больш за 100 размаляваных дываноў і куфраў, велікодных яек і іншых прадметаў — такарных, сталярных і бандарных прадметаў. У іх наглядна праявіліся высокія выканальніцкія і эстэтычныя ўласцівасці.

Маляваныя дываны мастак заўсёды будаваў па ўстоянаму кампазіцыйнаму прынцыпе: у цэнтры палатна — камбінаваны букет кветак у дэкаратыўнай вазе, па перыметры дывана — арнаментальнае абрамленне са стылізаванымі элементамі расліннага характару. Аўтар выкарыстоўваў для сваіх твораў чорны фон і дамагаўся асаблівай гучнасці колеру за кошт кантрасту светлага і цёмнага.

Значная колькасць твораў захоўваецца ў зборы Заслаўскага гісторыка-культурнага музея-запаведніка.