Фёдар Фёдаравіч Раўчакоў

Фёдар Фёдаравіч Раўчакоў
Дата нараджэння	17 верасня 1910(1910-09-17)
Месца нараджэння	Кузькавічы, Быхаўскі павет, Магілёўская губерня, Расійская імперыя
Дата смерці	20 красавіка 1952(1952-04-20) (41 год)
Месца смерці	Ленінград, РСФСР, СССР
Месца пахавання	Буткава[d]
Грамадзянства	СССР
Прыналежнасць	СССР
Род войскаў	пяхота
Гады службы	1928—1945
Бітвы/войны	Савецка-фінляндская вайна, 1939-1940, Вялікая Айчынная вайна
Узнагароды і званні	Медаль «За абарону Ленінграда»

Фёдар Фёдаравіч Раўчакоў (17 верасня 1910—20 красавіка 1952) — удзельнік Вялікай Айчыннай вайны, Герой Савецкага Саюза (1945).

Біяграфія

Ф. Ф. Раўчакоў нарадзіўся ў вёсцы Кузькавічы (зараз ў Быхаўскім раёне Магілёўскай вобласці). Скончыў сярэднюю школу. У Чырвонай Арміі з 1928 года. У 1933 г. скончыў ваенную ветэрынарна-фельчарскую школу ў Ленінградзе і служыў у 25-й кавалерыйскай дывізіі. Удзельнік савецка-фінляндскай вайны 1939—1940 гг. Падчас Вялікай Айчыннай вайны з ліпеня 1941 г. на Паўднёва-Заходнім, 1-м Беларускім і 2-м Беларускім франтах. У 1943 годзе скончыў 2-е Маскоўскае пяхотнае вучылішча. Удзельнічаў у баях на ўзбярэжжы Ладажскага возера, абароне Ленінграда, вызваленні гарадоў Смаленск, Сафонава, на подступах да Віцебска, вызваленні Польшчы, Вісла-Одэрскай аперацыі і інш.

Рота 965-га стралковага палка 274-й стралковай дывізіі пад камандаваннем старшага лейтэнанта Ф. Раўчакова вызначылася 29 ліпеня 1944 года — у ліку першых фарсіравала раку Вісла і захапіла плацдарм у раёне горада Пулавы (Польшча), адбіла 8 контратак праціўніка, захапіла вышыню і садзейнічала пераправе іншых падраздзяленняў палка.

З 1945 года Ф. Ф. Раўчакоў у запасе. Жыў у Ленінградзе і працаваў у міліцыі. Памёр 20 красавіка 1952 г. Пахаваны ў вёсцы Буткава Лужскага раёна Ленінградскай вобласці.

Узнагароды

• Медаль «Залатая Зорка» № 5955
• Ордэн Леніна
• Ордэн Чырвонай Зоркі
• Медаль «За адвагу»
• Медаль «За баявыя заслугі»
• Медаль «За абарону Ленінграда»
• Медаль «За перамогу над Германіяй у Вялікай Айчыннай вайне 1941-1945 гг.»

Памяць

• Імем Героя названа адна з вуліц у Быхаве.
• У вёсцы Кузькавічы помнік Ф. Ф. Раўчакову.

Літаратура

• Раўчакоў Фёдар Фёдаравіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 378. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

Фёдар Фёдаравіч Раўчакоў на сайце «Героі краіны»

• Владимир СТЕПАНЕНКО Именем героя // СБ-Беларусь Сегодня (руск.)