Фінляндская Дэмакратычная Рэспубліка
| Марыянеткавая дзяржава СССР | |||||
| Фінляндская Дэмакратычная Рэспубліка | |||||
|---|---|---|---|---|---|
| Suomen kansanvaltainen tasavalta | |||||
|
|||||
 |
|||||
|
1939 — 1940
|
|||||
| Сталіца |
Тэрыёкі (месца знаходжання Урада) Хельсінкі (абвешчана) |
||||
| Форма кіравання | Сацыялістычная рэспубліка | ||||
| Старшыня Народнага Урада | |||||
| • 1939 – 1940 | Ота Куўсінен | ||||
 Медыяфайлы на Вікісховішчы | |||||
Фінляндская Дэмакратычная Рэспубліка (фінск.: Suomen kansanvaltainen tasavalta) — марыянеткавая дзяржава, якая існавала падчас Зімняй вайны 1939—1940 на акупаванай савецкімі войскамі тэрыторыі Карэльскага перашыйка. Планавалася, што ФДР зойме ўсю тэрыторыю Фінляндыі.
Паводле ТАСС, рэспубліка была абвешчана 1 снежня 1939 у горадзе Тэрыёкі, першым з захопленых чырвонаармейцамі, ад імя Народнага Урада, што склаўся з фінскіх камуністаў, якія бяглі ў Савецкі Саюз пасля грамадзянскай вайны на чале з Ота Куўсіненам.[1] Урад Куўсінена не быў прызнаны нікім, акрамя сацыялістычных краін: СССР, Манголіі і Тувы. Таксама падтрымку ФДР выказалі некаторыя дзеячы левага руху ў свеце: Джавахарлал Неру, Джон Стэйнбек і Джордж Бернард Шоу — і нямецкія СМІ (згодна з падзелам сфер уплыву паводле пакта Молатава — Рыбентропа). Сацыялістычная Фінляндыя не была падтрымана і фінскімі рабочымі.
Ужо 2 снежня Куўсінен і старшыня СНК СССР Молатаў падпісалі Дагавор аб узаемадапамозе і дружбе ФДР і СССР, які задавальняў усе ранейшыя тэрытарыяльныя патрабаванні Савецкага Саюза: Карэльскі перашыек, продаж астравоў у Фінскім заліве, арэнда Ханка — у абмен на перадачу Фінляндыі часткі Савецкай Карэліі і кампенсацыю грашыма. У Лізе Нацый прадстаўнікі СССР аб'явілі, што стары фінскі ўрад пакінуў краіну і адзіным легітымным органам, з якім будуць весціся перамовы, з'яўляецца Тэрыёкскі ўрад.
Аднак з-за няўдалага для СССР ходу вайны ФДР не стала сапраўднай уладай у краіне. Савецка-фінскі мірны дагавор 12 сакавіка 1940 увогуле не прадугледжваў яе захаванне. У той жа дзень анексаваныя ў Фінляндыі тэрыторыі былі аб'яднаны з Карэльскай АССР у Карэла-Фінскую ССР, а 29 сакавіка Вячаслаў Молатаў абвясціў канчатковы роспуск урада Куўсінена. Сам былы прэм'ер-міністр ФДР заняў пасаду фармальнага кіраўніка, старшыні Прэзідыума Вярхоўнага Савета новай Карэла-Фінскай Рэспублікі, на якой заставаўся да ліквідацыі КФССР ў 1956.
Тэрыёкскі ўрад[правіць | правіць зыходнік]
| Старшыня Народнага Урада | Ота Куўсінен |
| Намеснік Старшыні Народнага Урада | Маўрыц Розэнберг |
| Міністр замежных спраў | Ота Куўсінен |
| Міністр абароны | Аксел Анціла |
| Міністр унутраных спраў | Туўрэ Лехен |
| Міністр земляробства | Армас Эйкня |
| Міністр асветы | Інкерн Лехтынен |
| Міністр фінансаў | Маўрыц Розэнберг |
| Міністр па справах Карэліі | Паава Проканен[1] |
Гл. таксама[правіць | правіць зыходнік]
- Фінляндская Сацыялістычная Рабочая Рэспубліка — незалежная сацыялістычная рэспубліка, якая існавала ў 1918. Адным з яе заснавальнікаў таксама быў Ота Куўсінен.
Зноскі
- ↑ а б Дэкларацыя Фінскага Народнага Урада (руск.)