Фінскі заліў

Фінскі заліў фін.: Suomenlahti, эст.: Soome laht, шв.: Finska viken
Каардынаты: 59.883333, 26.159°53′00″ пн. ш. 26°06′00″ у. д.59.883333° пн. ш. 26.1° у. д.
Вышэйстаячая акваторыя	Балтыйскае мора
Краіны	Расія, Фінляндыя, Эстонія
Тып	заліў
Плошча	29 500 км²
Найбольшая глыбіня	121 м
Сярэдняя глыбіня	38 м
Салёнасць	ад 0,2 да 9,2 ‰
Плошча вадазбору	420 000 км²
Фінскі заліў на Вікісховішчы

Фі́нскі залі́ў (фін.: Suomenlahti, эст.: Soome laht, шв.: Finska viken) — заліў ва ўсходняй частцы Балтыйскага мора, абмывае берагі Фінляндыі, Расіі і Эстоніі.

Даўжыня 390 км, шырыня ля ўвахода 70 км. Глыбіня ад 100 м ля ўвахода ў заліў да 5 м і меней ва ўсходняй частцы (т. зв. Неўская губа). Плошча Фінскага заліва — 29,5 тысячы квадратных кіламетраў. Фінскі заліў дробнаводны. Сярэдняя глыбіня яго — 38 метраў, максімальная глыбіня 115 м, глыбіня Неўскай губы — 2,5 — 6 метраў. Па дне Неўскай губы для праходу судоў прарыты фарватар. Большая частка тэрыторыі знаходзіцца ў межах Прадглінтавой раўніны, тэрасіраванай у выніку Літарынавага мора. Мора пачало адступаць прыкладна 3800 год таму, пакідаючы на месцы свайго былога дна прыбярэжныя тэрасы.