Хамійская дыня

З Вікіпедыі, свабоднай энцыклапедыі
Хамійская дыня
Хамійская дыня ў разрэзе

Хамійская дыня, хамікуа (па-кітайску: 哈密瓜) — сорт дыні (cucumis melo). Сакавіты плод з 18%-ым утрыманнем цукраў.

Апісанне[правіць | правіць зыходнік]

Радзімай з’яўляецца Хамі ў Хамійскай акрузе Сіньцзян-Уйгурскага аўтаномнага раёна Кітая, паводле некаторых іншых крыніц, радзіма хамійскай дыні — павет Шаньнань у Турфанскай акрузе. Плод утрымлівае вітаміны A, B, C, кальцый, фосфар, жалеза і іншыя. Асноўнымі раёнамі культывацыі хамійскай дыні з’яўляюцца Хамі, Турфан, Шаньшань. У апошнія гады у выніку паляпшэння транспартнай сітуацыі рэгіёна павялічыліся таксама і аб’ёмы вырошчвання культуры. Экспартуецца ў іншыя кітайская рэгіёны і замежжа. У імператарскім Кітаі хамійскую дыню падавалі на стол выключна імператару.