Царква Мадлен
Царква Мадлен (фр.: l'église de la Madeleine) — царква Святой Марыі Магдалены ў 8-й акрузе Парыжа, на аднайменнай плошчы, упісанай ў ансамбль больш буйной плошчы Згоды. Разам з іншымі будынкамі плошчы, уяўляе сабой эталон архітэктуры французскага класіцызма.
Змест |
Апісанне [правіць]
Тып царквы — грэка-рымскі храм; узорам паслужыў Мезон Карэ ў Німе:
- у даўжыню — 108 м;
- у шырыню — 43 м;
- па перыметры стаяць 52 карынфскія калоны, якія цалкам атачаюць будынак;
- вышыня кожнай калоны 19,5 м.
Храм асвятляецца праз скляпенне: у адрозненне ад іншых храмаў царква не мае ні трансэпта, ні бакавых вакон. На франтоне галоўнага фасада размешчана скульптурная група «Страшны суд» працы Філіпа Анарэ Лемера.
Гісторыя [правіць]
Гісторыя будаўніцтва царквы расцягнулася на 85 гадоў па прычыне палітычнай нестабільнасці Францыі напрыканцы XVIII — пачатку XIX стагоддзе ов. Будаўніцтва пачалося пад кіраўніцтвам архітэктара Кантана д'Іўры пры Людовіку XV, у гонар якога афармлялі плошчу Згоды і яе наваколле, і які асабіста заклаў першы камень будучай царквы. Першапачатковы праект прыпадабняўся да царквы Святога Людовіка ў Доме інвалідаў — крыжападобнае збудаванне з купалам. Пасля смерці д'Іўры працы працягнуў Куцюр, які прапанаваў узяць за ўзор будынак Пантэона. У 1790 годзе будаўніцтва было прыпынена з-за рознагалоссяў адносна прызначэння будынка. У 1806 годзе Напалеон даручыў архітэктару Віньёну ўзвесці залу славы імператарскай Вялікай арміі. Усё, што было пабудавана да гэтага, было знесена. У 1814 годзе Людовік XVIII пажадаў, каб будынак, які ўзводзіўся, стаў царквой памяці Людовіка XVI і Марыі-Антуанеты. У 1837 годзе адміністрацыя горада планавала ператварыць будынак у вакзал першай пасажырскай чыгункі, якая злучала Парыж і Сен-Жэрмэн, але гэтым задумам не было суджана спраўдзіцца. У 1842 годзе царква была дабудавана і асвечана.
Глядзіце таксама [правіць]
Спасылкі [правіць]
- Дыяпарама з фатаграфій царквы Мадлен на сайце «Internaute».
 |
Гэта пачатак артыкула пра хрысціянскі царкоўны будынак. Вы можаце дапамагчы праекту, выправіўшы і дапоўніўшы яго. |
 |
Гэта пачатак артыкула пра Парыж. Вы можаце дапамагчы праекту, выправіўшы і дапоўніўшы яго. |
