Царква Святой Ганны, Будапешт

З пляцоўкі Вікіпедыя
Перайсці да: рух, знайсці
Царква
Царква Святой Ганны
венг.: Szent Anna-plébánia
Church of St Anne in Budapest I. district.jpg
Каардынаты: 47°30′21″ пн. ш. 19°02′18″ у. д. / 47.505833° пн. ш. 19.038333° у. д. (G) (O) (Я)47°30′21″ пн. ш. 19°02′18″ у. д. / 47.505833° пн. ш. 19.038333° у. д. (G) (O) (Я)
Краіна Венгрыя
Горад Будапешт
Канфесія Каталіцтва
Епархія Архідыяцэзія Эстэргам-Будапешт 
Архітэктурны стыль барока
Будаўніцтва 17401752 гады
Статус дзеючы храм
Сайт Афіцыйны сайт

Царква Святой Ганны (венг.: Szent Anna-plébánia) — каталіцкая царква ў Будапешце, на правым беразе Дуная. Размешчана на плошчы Бацьяні пад замкавым узгоркам. Помнік архітэктуры сярэдзіны XVIII стагоддзя ў стылі італьянскага барока[1]. Выконвае ролю парафіяльнага храма для каталікоў раёна Візівараш.

Гісторыя[правіць | правіць зыходнік]

Будаўніцтва новай царквы на месцы больш старой царквы ордэна езуітаў пачалося ў 1740 годзе па праекце венгерскага архітэктара Крыстафа Хамана. Сканчаў будаўніцтва іншы венгерскі майстар Мацьяш Непаўэр, магчыма, што ва ўзвядзенні царквы бралі ўдзел і італьянскія майстры. Галоўным чынам, царква была пабудавана да 1752 годзе, але ў 1763 годзе храм быў пашкоджаны землетрасеннем, а ў 1773 годзе быў распушчаны ордэн езуітаў, які курыраваў будоўлю, што зацягнула аднаўленчыя і апрацоўчыя работы да 1805 года. У 1805 годзе царква нарэшце была асвечана.

Царква не раз цярпела ад пажараў і паводак. Да сярэдзіны XX стагоддзя яна прыйшла ў даволі жаласны стан і нават разглядаўся праект яе зносу пры пракладцы другой лініі метрапалітэна[2]. Аднак было прынята рашэнне захаваць царкву і адрэстаўраваць яе. Рэстаўрацыя была паспяхова праведзена ў 1970—1984 гадах.

Архітэктура[правіць | правіць зыходнік]

Інтэр'ер

Царква лічыцца адной з лепшых барочных цэркваў Венгрыі[1]. На фасадзе ўсталяваны статуі Веры, Надзеі і Любові, Святой Ганны і Дзевы Марыі, Ісуса сярод анёлаў, а таксама герб Буды. Высокія вежы па баках галоўнага фасада дамінуюць над раёнам і добра бачны як з замкавага ўзгорка, так і з Дуная.

У інтэр'еры заслугоўваюць увагі фрэскі купала (1771, Г. Вогль). Фрэскі нефа маюць пазнейшае паходжанне (1938 год, П. Молнар). Галоўны алтар быў створаны ў 1773 годзе майстрам К. Беба і ўпрыгожаны скульптурнай групай Увядзенне ў храм. У царкве ўсталяваны старадаўні арган, перанесены ў царкву Святой Ганны з царквы кармелітаў.

Зноскі

  1. 1,0 1,1 Сартакова М.С. Венгрия — М.: Вокруг Света, 2007. — ISBN 5-98652-117-6.
  2. Charles Hebbert, Dan Richardson. The Rough Guide to Budapest. P. 54

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.