Чорны грыф

З пляцоўкі Вікіпедыя
Перайсці да: рух, знайсці
Чорны грыф
Blackvultsm.JPG
Навуковая класіфікацыя
Міжнародная навуковая назва

Aegypius monachus Linnaeus, 1766

Арэал
выява
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   175494
NCBI   8959
EOL   1047566

Чорны грыф (Aegypius monachus) — драпежная птушка з атраду сокалападобных (Falconiformes) сямейства грыфавых (Accipitridae). З'яўляецца другой па велічыні драпежнай птушкай Еўропы пасля барадача (Gypaetus barbatus).

Апісанне[правіць | правіць зыходнік]

Птушка даўжынёй звыш аднаго метра, некалькі большая за белагаловага сіпа (Gyps fulvus). Маса цела чорнага грыфа дасягае 7-12 кілаграмаў. Размах крылаў — ад 250 да 295 сантыметраў. Пер'е манатоннага цемна-карычневага колеру, якое здалечыні здаецца чорным. Вакол кароткай, голай, карычневата-ружовай шыі цёмная пер'евая манішка. Крылы шырокія, хвост мае лёгкую клінападобную форму.

Пашырэнне[правіць | правіць зыходнік]

Распаўсюджаны ў Паўднёвай Еўропе і Цэнтральнай Азіі. Сёння сустракаецца ад Іспаніі праз Балеарскія астравы, Балканы, Пярэднюю Азію і Паўночную Індыю да Паўднёвай Сібіры, Паўночнага Кітаю і Манголіі. У тым ліку сустракаецца і ў Беларусі.

Гняздзіцца пераважна ў дзікіх горных лясах, у Еўропе сустракаецца амаль што выключна на Іберыйскім паўвостраве, на Маёрцы і ў паўднёвай частцы Балканаў.

Паўднёва-заходнія папуляцыi аселыя, качуюць, а паўночна-ўсходнія — пералётныя. Пад час качовак залятаюць на поўнач ад межаў арэала (у Вялікабрытанію, Бельгію, Данію, Фінляндыю, Францыю, Галандыю, Германiю, Польшчу, Латвію, Эстонію, Чэхію, Славакію, Венгрыю, Аўстрыю, Швейцарыю, Румынію, Беларусь, Малдавію).

Асаблівасці біялогіі[правіць | правіць зыходнік]

Гняздо часцей на дрэвах, радзей на скальных выступах, адзіночна (пара ад пары на адлегласцi ў 750-1500 м), радзей у свабодных калонiях (гняздо ад гнязда на адлегласці каля 100 м), часцей за ўсё, каля верхняй мяжы лясоў; з тоўстых i сухiх галiн (пераважна хвойных дрэў); высцiлка з галiнак, кары, моху, каранёў i травы (часта з прымессю шэрсцi). Новае гняздо мае дыяметр 130-150 см, старое — 150-250 см.

Яйка

Яйка звычайна 1 (вельмi рэдка 2), асiметрычнае, з мноствам нерэгулярных, iржавых мазкоў (на тупым канцы) на брудна-белым або светла-бурым фоне. Памеры: 88,5 х 66,5 мм[1].

Зноскі

Літаратура[правіць | правіць зыходнік]

  • Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X

Спасылкі[правіць | правіць зыходнік]